الجماهير تستقبل أول اعلامية تدخل الملاعب السعودية بصافرات استهجان

[مدرجهم]

http://www.sportksa.net/newsm/6143.jpg

http://69.59.144.138/icon.aspx?m=blank
استقبلت الجماهير الحاضرة في بطولة النخبة الدولية الثالثة المقامة في أبها أول إعلامية سعودية تدخل ملاعب كرة القدم لتغطية أحداثها بصافرات استهجان معبرة رفضها لحضور المرأة في الملاعب السعودية .

وكانت منال الدباغ اول اعلامية سعودية تدخل الملاعب وتغطي احداث البطولة بكاميرتها حيث حصلت على بطاقة دخول الملعب من قبل اللجنة المنظمة للبطولة , وقالت منال في تصريحات صحفية أنها تعمل مصورة متعاونة في جريدة الرياضي، و لها تجارب سابقة في تغطية البطولات المقامة في البحرين و كأس العالم في جنوب افريقيا .

سبورت السعودية رصدت ردة فعل الجماهير الحاضرة حيال أول حادثة من نوعها في الملاعب السعودية ..

[رٍسِـــلآنٍ]

هاذي تبي تبرز باي طريقه ... المضحك انها تقول ان الجمهور كان يرحب فيها هههههههههههههههههههه

[مدرجهم]

ههههههههههههههه

كلامك صحيح تبقى البروز

اشكرك اخوي ع مرورك

[العبدلي]

مش ـكـوـور اخ ـوـوي م ـدرج ـهـم وهـذـا رزقـها

[تولين]

ربما لأنها أول مره تنزل الملاعب السعوديه أستقبلت بهذا الشكل

والمره الجايه راح يصفقون لهاا مع اني ما أظن يسووونها :sm224:


لكن الجمهور السعودي راح يتعود على هالشئ ولإنها إعلاميه فامن الطبيعي انها تكون موجوده في كل حدث يصير في المملكه




أنا بنظري انها ماسوت شئ غلط بالعكس كل شئ في النوور وعلى مرأى الجميع ودام انها محترمه نفسها وبحجابها الشرعي فاماعليها كلااااااام



الله يعطيك العافيه اخوي مدرجهم





ربي يحفظك

[رٍسِـــلآنٍ]

تولييين

وين الحجاب الشرعي ؟

تبي تعمل مصوره بكيفها ان شاء الله تنتحر بكيفها

لكن تكذب وتصدق الكذبه وتستمر في الكذب ان الجمهور كان يرحب بها وانها اكلت الجو على ياسر القحطاني كما قالت في تصريحاتها الصحفيه << حتى في الراديو سمعتها بالصدفه وهي تكذب

ثاني شي في السعوديه وفي الرياض وجده على وجه الخصوص انتشر مسطلح ( اول امراة ) اول امراه تقوم بعمل كذا وكذا لهذا المراه في الغربيه بشكل عام تتسابق لتخليد اسمها بشئ

وهذا ماكنت اقصده انها تحب البروز << والمتابع لسياسه والصحافه يعلم هذا الشي .....

ثاني شي الملعب بكبره كله رجال وش تسوي امراة وسطهم ؟ خلصت اماكن العمل الصحفي ؟

[تولين]

رسلان دامها هي مبسوطه بهالشئ اللي قالته انهااكلت لجو عن ياسر ومصدقه كذبتها فابراحتها




وتعليقا على كلامك انها إمرأه وش تسوي في مكان كله رجال "هي تشتغل في الإعلام يعني داخل الشغل ولا خارجه فيه رجااال ولو ناظرنا الحين كل مكان فيه رجال حتى السوق والمستشفيات وكل مكااان وهي حره في نفسها "



وبس :sm225:

[رٍسِـــلآنٍ]

يعني لما تكون انثى واحده امام 70 الف ذكر . شي عادي ؟

مو مهم ... على فكره ترى ماهي اعلاميه محترفه بل تمارس الاعلام وتدفع من جيبها ... انتي مافهمتي جزئيه انها تبي تفرض نفسها بالقوة

[تولين]

رسلان أنا فاهمه اللي أنت تقصده واللي تبي توضحه وفاهمه كيف انها تبي تفرض نفسها



:sm88:

[مدرجهم]

اخذوها مني حدها فتره وتنتهي لانه جميع الاعلام ضدها وضد فكرتها

[وجن متعب]

لا انا معها ومن قال بالعكس اصفق لها وربي انها كفوااا وبقوه
ياخي انتم هنا تقول كلام واذا رحتم للخارج ماشفتم انفسكم
بالعكس وربي انها كفو بحجابها ماهزها ريح
وبعدين واثق الخطا على قولتهم يمشي ملكا
ليش ممكن يكون مصدر رزقها من هذا المصدر
وبعدين اللي صفروا صافرات استهجان
هذولا ماعندهم ذوق اصلا
بس ضحكو ا المغاربه عليهم يقولون السعوديين ماشافوا خير
انا من وجهة نظري انها انسانه خدمة المجتمع
طب قالوا اختلاط اعلام قالوا اختلاط بنوك قالوا اختلاط
احنا مشكلتنا مقتصرين العمل عندنا على مدرسه ومربية منزل
ليه مالنا رب
انا حبيت اوضح نقطه بسيطه
اول شئ يمكن فيه جماهير استهجنوها
بس فيه جماهير صفقوا لها ومن ضمنم القائمين على تنظيم بطولة ابها ا
اسمعوا نص الكلام هذا ماهو من عندي ...



وبعدين قبل فتره سمعت اذعة الرياض واتصلو عليها

تقول اصلا انا ما كنت ادري ان فيه بطولة النخبه ..

وكنت بمهمة عمل وساكنة باحد فنادق ابها .. ولما شفت الزحمة سألت وقالو لي انو فيه بطولة للنخبه وهذي بعض الأنديه ..

تقول رحت للجنة المنظمة .. ولما عرفوا اني كنت مصوره بكاس العالم على طوول وافقوا اني ادخل الملعب واصور .. وقالو لي انتي شرفتينا بالمحفل العالمي ونتشرف انك تكونين اول مصورة هنا ..

سأله المذيع عن المضايقات او كذا .. قالت بالعكس والله جمهور محترم .. لما ادخل يحيووني ولما اطلع نفس الكلام ..
لدرجة ان مدير الملعب قال لي بعد احد المباريات اكلتي الجو على ياسر القحطااني بالشهره ..

تقول انا اتحاديه مع احترامي للجميع .. وتشرفت بتصوير محمد نور .. وياسر وكثير من النجوم ..
والحين رافعه اوراقي لسلطان بن فهد .. ابي ادخل اصور بمباريات دوري زين ..
__________________


اوكي خلص الكلام وانا مصدقه الكلام




هذاي بعض من اراء جماهير الذين كانوا متواجدين داخل الملعب







هههههههههههههههه
أي ابو استهجان
انا حاضر المباراة
اسمع التصفيق واشوف الملعب أدور اللاعبين مافيه أحد
ما اشوف الا هالمتحجبه .. يوم تبينت العلوم اثره صحفيه جايه تصور ^_^
__________________






طيب انتم تقولون صافرات استهجان ههههههههههههه سبحان الله بعض عقول السعوديين مدري وشفيها متحجره

اشوفكم قمتم تصفقون وتهلون وترحبون يوم دخلوا بنات السعوديه داخل ملاعب الامارات ويامرحبا باللي جا ..... هاه وراى ما استهجنتوهم طيب
والا فرق بين بنات السعوديه اللي بالسعوديه وبنات السعوديه اللي بالامارات .....
سبحان الله العظيم



منال استمري للامام ومايهزونك بعض المتخلفين ...

انا سجلت في اغلب منتديات اللي تناقش ها الموضوع ماهو حبا فيها لكن دافعا عن امي التي لم تلدني ...
سلاااااام

[الشويش]

الله يستر على بنات المسلمين

منها ومن اشكالها

استغفر الله
لو تعرف قيمة الحجاب

معرضت نفسهاقدام هالجماهير

اللي يهاب منه الرجل مو البنت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[وجن متعب]

الله يستر على بنات المسلمين

منها ومن اشكالها

استغفر الله
لو تعرف قيمة الحجاب

معرضت نفسهاقدام هالجماهير

اللي يهاب منه الرجل مو البنت

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ليش ذبحت ابوك والا امك والا خواتك
الحين مسويين همكم الحجاب
الله واكبر وراى ما رديتوا على مسلسل 37درجه يومنهم قطعوا بحجابنا
وقفت على منال يعني مع ان منال ملتزمه بحجابها
الحين فخمتم الوضع وكبرتوه مع انه شئ عادي وابشركم
ماهو بس منال راح تشوفونها السنه الجايه راح تشوفون
اريج واسماء ووجن كمان
وكلامكم ينسمع من مكان ويطنش تري
الحمدلله محترمين وبشغلنا ما اذينا احد
وش قالوا قالوا استهجان
الله يخلي امريكا اللي علمتكم فنون التقليد من والى
منال بنت ناس حالها حال بنات خلق الله
برافوا ست منال وربي انتي فله استمري خيتوا للامام واحنا لا حقيينك

[رٍسِـــلآنٍ]

وجن متعب

اقول كيف حالك عساك بخير ؟

ياخي انتم هنا تقول كلام واذا رحتم للخارج ماشفتم انفسكم

والله مدري كان انت رايح مرقص وشايفني اقط فلوس على الرقاصات او شايف واحد يشبهني !!!

وش دخل رحنا الخارج ولا مارحنا

وش دخل المغاربه بالموضوع ترى مافمهت .. هل تقصدين كون اصلها من المغرب < وهذا صحيح


انا من وجهة نظري انها انسانه خدمة المجتمع


لو عرفتي كيف تعيش اسره الدباغ ومصدر رزقها لعكستي كلامك 360 درجه

طب قالوا اختلاط اعلام قالوا اختلاط بنوك قالوا اختلاط
احنا مشكلتنا مقتصرين العمل عندنا على مدرسه ومربية منزل
ليه مالنا رب

ماعندنا مشكله كونها اعلاميه لكن كل واحد ومجاله ليه ماتروح تغطي الامور النسائيه مثلا ؟ وياكثر المجلات والقنوات النسائيه ..


ثاني شي انت تنقل من هذا الموضوع ولا ايش ؟
http://www.alrassxp.com/forum/t189734.html

لن اغلب الكلام اللي كاتبه مقتبس منه !!!

[رٍسِـــلآنٍ]

ليش ذبحت ابوك والا امك والا خواتك
الحين مسويين همكم الحجاب
الله واكبر وراى ما رديتوا على مسلسل 37درجه يومنهم قطعوا بحجابنا
وقفت على منال يعني مع ان منال ملتزمه بحجابها
الحين فخمتم الوضع وكبرتوه مع انه شئ عادي وابشركم
ماهو بس منال راح تشوفونها السنه الجايه راح تشوفون
اريج واسماء ووجن كمان
وكلامكم ينسمع من مكان ويطنش تري
الحمدلله محترمين وبشغلنا ما اذينا احد
وش قالوا قالوا استهجان
الله يخلي امريكا اللي علمتكم فنون التقليد من والى
منال بنت ناس حالها حال بنات خلق الله
برافوا ست منال وربي انتي فله استمري خيتوا للامام واحنا لا حقيينك



وش السالفه ؟

انتي بنت ؟

الزبده انتي من العيون ؟ ما اعتقد
ثاني شي انتبهي من كلمه امريكا علمتنا واسلوب المسخره ولا والله ان تشوفيين شي مايسرك ابد .. ترى الصداع واصل حده انتبهي ابرد الحره فييييك

[وجن متعب]

هلا وعليكم السلام



مصدع او لا انا قلت الصح وما اعتقد اني كذبت بحرف واحد
ثاني شي انا ما افتبست الكلام انا مجرد حبيت اوضح لكم اراء الناس اللي برى انتم تقولون
استهجان
وناس غيركم حضروا للملعب وقالوا هذا الكلام
ياليت ترجع تقرى الكلام منجد
لأنك ببساطه مصدع على قولتك
انا طبعي ما انقل
لكن استشهدت بكلام ناس من برى
انا ماعلي اسرة الدباغ معروفه او علما اني اعرفهم اكثر منك
ليش نعصب على اراء وبالخير هي تعني صاحبها
ودائما اختلاف الراي لا يفسد للود قضيه
ليش مسوين انها قضيه وهي شئ عادي جدا بل اقل من عادي
والشئ الاخير
انا لي رب يوم من الايام بياخذ بحقي سواء انا او منال
واذا انت بتوريني شي مايرضيني على قولتك والله اخوي
اعتقد لي رب وماعندي شئ اخسره
انا هنا اعبر عن رايي وراي بعض من الشارع السعودي او الطرف الثاني
يعني مثل مافيه
اطراف تستهجن اكيد بل مليون اكيد فيه اطراف ترحب وتصفق
الدليل مافعلته اللجنه المنظمه للبطوله وهذا يدل على التفهم الموجود عندهم

هذا راي وانا حره في طرح رااي الذي لن يشاركني فيه احد ....
ليش تعصبون وتفحطون وتروحون وترجعون وهو شئ يعني اقل من عادي لها الدرجه المراءه كأن غريب عندنا ؟؟؟؟
تركت لكم السؤال ليجيب احدكم ولو بالقليل

الحين طلعت للملعب وسويتو قضيه اجل كيف لو راحت للتلفزيون


انا بنت يا اخي والنعم فيني

[رٍسِـــلآنٍ]

شوفي ان ردي على المسخره رد ..وردي على الموضوع رد

خليتني احس انها من اثبت ان الذره لها صووت !!!

[وجن متعب]

بعد الفلسفه والعلم اللي قلته هذا ردي عليه اخوي عجبك
اهلا وسهلا ماعجبك هم بعد الله يحيك
مدري متى نعرف نتحاور زي الناس والادوام ومانفتح ابواب احنا كنا في غنى عنها
هذا رايي يابن الحلال
والله الذره اللي اكتشفها مراه اخبرت زوجها وقام بوضع فرضيته ان كنت تجهل ها الشئ

سبحان الله العظيم حتى الراي صرنا نحاسب عليه

[رٍسِـــلآنٍ]

مشكلتك انك خالطه مواضيع الليببراليه مع موضوع الرياضه

وش دخل اذا كانت امراة ولا !!!!! صاحيه انتي ؟

على فكره معلومتك خاطئه ...

راجعي اقتباساتي عشان تعرفييين انا ارد علي ايش يمكن ماتجمعيين مضبوط

[وجن متعب]

انا فاهمه موضوعي عن بكرة ابيه
بس المشكله انت مدري وش بتوصل له من الفلسفه العلميه اللي عندك
وكلامي صح مايحتاج اراجع معلوماتي اللي تتكلم عنها
الحين احنا السعوديين انقسمنا قسمين
قسم شجع وقسم استهجن وهذول ماعليهم كلام لأنهم اصلا كافين شرهم عن البنت
طيب انا كلامي على اللي يستهجنون قبل مايكون رايهم فيه شئ اسمه ذوق عام هذا شئ
الشئ الثاني اخوي انا انتقادي على ان بعض المواقع السعوديه حاطته وكأنه شئ غريب
وهو بالاساس شئ عادي وطبيعي ياخي مافيه فرق بين مذيعات الاخباريه ومنال
ورى ما انتقدتهم مع انهم توهم مالهم الا خمس سنوات طالعين على التلفزيون

يعني انت لو كنت بالملعب مكان الجمهور يعني ومرت منال راح تسوي مثل ماسوووى بعض قليلي الذوق العام ؟؟؟

وبس هذا اللي انا اناقش عليه
لا لبرالليه اللي تقولها ولا صوت ولاذره هذي كلها مصطلحاتك انا ماجبت شئ من عندي موضوعي واضح بس انت شكلك ماتعرف تناقش
وشكلك انسان عصبي طيب ياخي ماهو شرط ترد علي خلن اعبر على راحتي يمكن احد يجي يرد علي ويقنعني بعقلانيته

[عديل الروح]

قلّة رجآل الصحآفهـ والأعلآم وبالأخص ( الريآضي )

لـ تكون المصورهـ بنت !؟

شي غريب صرآحهـ وخآصهـ فى ملآعب السعوديهـ !!