إكتب الشطر الأخير بـ دفترك /القلوب البيض جدا نادره ..

[خربشات مبدع]

دارت الدنيا وتبيني [ أعذرك ] !
______________ نامت عيوني وعينك > ساهره

إنت لي ماضي ومابي .. أذكرك
______________ و الغلط وياك ... ماني مكرره

قلت لك إحذر غرورك يكسرك
______________ ومن يحبّك واجب إنت تقَدّره

قبل لا تفكّر تهاجر ب أهجرك
______________ وعدّني غيمة حنان .. مهاجره

مثل ماجَمّعتك أقدر أن ث ر ك
______________ يعني راسك لو رفعته أكسره

كنت لك مثل المواني ~ أنطرك
______________ لين طاحت من عيوني الباخره

لا تظن أبكي عليك وأخسرك
______________ إللي مثلك ( لازم ) إني أخسره

يا القليل الباقي طاحوا أكثرك !
______________ في بحر - دمع العيون - الطاهره

أبقى أكبر شخص مر ب ناظرك
______________ وتبقى أصغر <~ من نويت أكبّره

في فراقك ماحزنت آآبشرك :
______________ وكانت الفرحه معاك مسافره !

كيف ألوّح لك وأجبُر خاطرك
______________ وإنت إحساسي مكسّر خاطره

أشكر أعدائي كثير ~ و أشكرك
______________ من سبايبكم .. فقدت الذاكره .

دارت الدنيا وتبيني [ أذكرك ] !!
______________ شفت منّك خير لأجل أتذكره ؟

إكتب الشطر الأخير بـ دفترك ،
______________ القلوب البيض .. جداً نادره !



http://www.shathaaya.com/go/dir/22/mowani.jpg

[المـشتاق]

دارت الدنيا وتبيني [ أذكرك ] !!
______________ شفت منّك خير لأجل أتذكره ؟

إكتب الشطر الأخير بـ دفترك ،
______________ القلوب البيض .. جداً نادره !
يعطيك العافيه ياخربشات
الصراحه القصيده اعجبتني
ربــــي يعافيكـ

[ضميـMـــان]

إنت لي ماضي ومابي .. أذكرك
______________ و الغلط وياك ... ماني مكرره

قلت لك إحذر غرورك يكسرك
______________ ومن يحبّك واجب إنت تقَدّره

هذا اعجبني بصرآآحه ....
خربشات مبدع مشكوـوـور

[البااااارد]

صح لسانك واعتلى شانك وقايلها ما هان في مكانك

أبيات جميله ورائعه وفي نفس الوقت مؤثره
ذووووووق ما شاء الله في انتقاء الابيات خيو خربشات
لا ترحمنا جديدك يالغلا
فأنت إهل الابداع يا مبدع

[عبدالرحمن الغريب]

خربشــــات مبــــدع

جميلة جميلة سهلة ورزينة .

صح لسان القائل .
إكتب الشطر الأخير بـ دفترك ،
______________ القلوب البيض .. جداً نادره !
بيت حكيم .

تقبل ودي ومروري

=