العيون والرمة (( الله بالخير ))

[عاشق وغرم به]

بسم الله الرحمن الرحيم
السلام عليكم ورحمة الله وبركاته :-

اولاً : مستوى العيون زفت الزفت ليمتى واحنا فاقين ثمنا نجامل ونصفق

ثانياً : الرمه فريق مش مستواه العيون لأنه فريق بسيط بالنسبه للي شفته وربي لكن العتب في البدايه والنهايه على لاعيبة العيون

ثالثاً : سليما راجع نفسك وشوف كم مره جبت العيد وياليت تهدأ في المباراه الجايه

رابعاً : عيد العيد والله ما هو هذا مستواك اللي اعرفه لكن اتمنى انك تراجع نفسك

خامساً: ليش البرود وعدم اللعب بروح

سادساً : الدفاع بأكمله ما عدى فضل والله انتوا الحفله كلها

سابعاً : ياعيني على النجم بسام الهلال وربي اثبت وجودك

ثامناً : وش اقول وش اخلي بأختصار يالاعيبة العيون شدوا حيلكم في المباراه الجايه ورفعوا روسنا تكفوون
تاسعاً : بدون زعل مني والله عندي كلام كثير ودي اقول اترك التعليق للي حظر المباراه وشاف بعينه

والله اني مقهور حرام يضيع تعبكم يا شباب بدون زعل الصراحه راحه

[ابن الرمه]

حبيبي مسألة تقول الرمه فريق فاشل مالك حق فريق يصل لهذه المرحلة وتأتي من خلف الكيبورد وتقول فاشل الرمه ياعزيزي يمر بظروف إصابات وإلا كان أبكاك أنت وعيونك
نتمنى تأهل العيون معنا ولكن نرفض أن يأتي أمثالك ويصف فريقنا بالفشل يظل العيون نجوم ويجمعنا التنافس الشريف داخل المستطيل الأخضر ولكن أتمنى تراجع حساباتك
وتقدم اعتذارك لأناس لا يرجون منك ولا من غيرك إلا أن يكون منصف ومحايد وإن كان الحياد في هذا الوقت قد طمست معالمه .
رساله للمشرف أبو طلال :
نحن لا يعجبنا كلام عاشق وغرم به فهل يعجبك ................؟

[عاشق وغرم به]

ابن الرمه انا اعتذر على اللي سجلته وربي توي انتبه له من القهر اللي فيني وكل فريق له جمهور ولا تزعل مني يا بعد عمري انا آسف

[سلمان]

كلامك ياعشق كبير وانا من زمان العيون اقول عنه الي كتبت لكن لاتهضم حق الغير يبقى الرمه فريق

[أبو طلال]

هناك وجهات نظر في تفسير الأحداث

وأنت أخوي إبن الرمة تعلم كيف تقال وجهات النظر بالطريقة الطيبة ومع ذلك قوية

نعم كلامك صحيح جدا لولا أنه نادي قوي لما وصل لهذه المرحلة وأيضا مباراته السابقة كانت دليل على قوته

هذه الكلمة تقال كثيرا في عالم الرياضة وكل العوالم
وهي تؤخذ بحسن نية دوما

أقدم لك كامل إعتذراي وأرجو انك تقبله بصدر رحب

[ابن الرمه]

ابن الرمه انا اعتذر على اللي سجلته وربي توي انتبه له من القهر اللي فيني وكل فريق له جمهور ولا تزعل مني يا بعد عمري انا آسف

والله إنك كبير والإعتذار من شيم الرجال وبالتووووووفيق للعيون

[ساري المفعول]

هههههههههههههههههههههههههههههه

الظاهر انك منقهر يا الغالي((ابن الرمه)) هدي هدي

هو ما يقصد انه فاشل وواضح من الي كتابته لكن لاصراحه تقال العنابي اكبر من فريقكم خبرة ومستوى ولولا كبوة الجواد وان اللاعبين خارج التغطيه لما استطعتم ان تجاروه ولا حتى دقيقه في المباراه

حياك الله يالغالي ((ابن الرمه))

[عاشق وغرم به]

ابو طلال الله يشرفني ان اتقيد بأخلاقك وساري المفعول كلامك قمة الروعه يا بن الرمه اود ان انوه على كلامك السابق اللي توه جا على البال بشأن تعليقك على الجمهور إذا انك حاظر المباراه وشايف شيبان وشباب وأطفال العيون على المدرجات وربي ما قصروا وان شاء الله ابناء العيون ما يخيبون آمال من كان على المدرجات

الله يوفقنا يارب في المباراه الجايه

[الامير العيوني]

المبارة راحت ونفكر بالجاي

شكرا يالقلم الجديد

عاشق ومغرم به