تحذير لأبناء الحصيمة والسلطانية

[هلالي خطير]

توجد بقاله في أحد العمائر ( نحتفظ باسمها ) تديرها عمالة وافدة ( جنسية عربية) وللأسف يريدون الربح على حساب صحتنا وصحة أبنائنا
بالأمس ذهبت بالصدفة واشتريت بعض البسكويت والحلويات التي عند أكلها رفضها أبنائي ( موب حلوه) فقررت تجربتها فوجدت انها لا يوجد بها أي نكهه وبالرجوع لتاريخ الصلاحية وجدت باقي عليها شهر او اقل فهؤلاء يشترون المواد القريبة انتهاء صلاحيتها بسعر زهيد على حساب صحتنا الى متى ونحن ضحية الكفالة ولعمالة السائبة

فحسبي الله ونعم الوكيل

[عيوني للابد]

هذه مشكلة لايمكن السكوت عليها ماقصرت اخوي

[بوأحمد]

طيب ياخوك ياليت لو تتوجه الى البلدية لانه البلدية في مثل هذه الامور لاتتساهل
وانت اذا بتكتفي بالكتابة في المنتديات وبس فهذا مايسوي شيء ضروري تتوجه الى الجهه المسئئوله
لانه اذا انت بتسكت والثاني بيسكت فمعناها انتم راضون بهذا الشيء
ونشكرك على التنبيه اخي الكريم

[رٍسِـــلآنٍ]

حسب كلامك ان التاريخ لم ينتهي !!!

اين المشكله !!!!

[عادي]

الحمد لله انا مو من السلطانية ولا الحصيمة

المشكلة ياعزيزي اكبر من ذلك

لماذا التساهل لتلك الفئة التي لاتبالي

جزاك الله خير وياليتك تكمل جميلك وتبادر بالإبلاغ عنهم

[الرمز العيوني]

سوف اقوم بإبلاغ البلدية عن البقالة لان هذا الامر لا يسكت عليه والله اعلم انه من الجنسية السودانية

[شوووق]

مساكين لاتبلغ عنهم ..

باقي شهر وتنتهي ..

بلغهم هم اللي يبيعون عشان يعملون الواجب ..

ماتدري وش بيصير إذا بلغت عليهم ..

الله يهديهم ويجزيك الجنة

[بوأحمد]

ان شاء الله ماراح ينقطع رزقه ولكن لازم ياخذ مخالفه عشان تكون له درس بارك الله فيكم

[لكزس]

السلام عليكم
ورحمه الله وبركاته

اولا انا سجلت عشان هذا الموضوع بعد الخبر الي سمعته من احد الزملاء

ياليت تعطينا اسم البقاله عشان نعرف المقصود هو محلنا او محل اشخاص غيرنا

وبعدين يالغالي انت قلت بلسانك باقي عليها شهر يعني لا انت ولا البلديه ولا غيرهم يقدر يسوي شي


اصلا لو باقي انتهاء ثلاث ايام محد يقوله شي

ياليت يالغالي تنتبه للي تقوله لان فيه امور تسوي من الحبه قبه

[لكزس]

اتمنى من صاحب االموضوع ان يراسلني ويجاوب على سؤالي


بحكم اني احد الناس الي محلهم هو الاقرب للمقصود


واتمنى يراسلني على الخاص عشان اعرف اذا المحل المقصود هو محلي
وان كان هو صحيح

انا اطلب منه ان يحط اسمها على العام ويناقشني امام الجميع لان ماعندي شي اخفيه او اتردد من قوله

[هلالي والعز لي]

ياحيك يا لكزس هذا الكلام الصح هي مو منتهيه صلاحيتها عشان تتكلم
ورجاء لا تسوي من الحيه قبه الله يعافيك

[هلالي خطير]

يا عزيزي لكزس

من المعروف ان المواد الغذائية القريبة انتهاء صلاحيتها تكون بسعر زهيد جداً

بالله عليك جرب تأكل منها وشوف طعمها هل هو مثل الجديد

بدل ما تجادل وتحاول تدافع عن الباطل من أجل قيمة كفالة بنهاية الشهر فهذا عيب عليك

تبيع أهالي مدينتك عشان 500 ريال ولا 1000 ريال في النهاية يتسمم واحد من قرايبك وش تسوى عليك

انا لن اذكر اي اسم الا بموافقه ادارى الملتقى مع العلم اني راسلتهم بالاسم في حال طلبه احد

على العموم يا لكزس حاول تصلح من حال بقالتكم

[لكزس]

يالغالي انا فهمت ان المقصود هي الي لنا

لكن وش تبي اسوي اي بضاعه تنزل تاريخها مظبوط اقوله افتح اتذوق الطعم

بعدين هذا عيب الشركه نفسها

وانا ماني مكبر الموضوع لكن الي يقهر الواحد الي يقول بشتكي
وانا اقول لهم واحد واحد الي ماقدرو يواصلونه بيدهم يواصلونه ب؟؟؟؟؟؟ << احترام للمنتدى وادارته ولك والناس الواعيه

وبعدين اذا قصدك البقاله تبيع عشان تسدد اقامه وفواتير
للمعلوميه البقاله ربحها قليل وكل شي ندفعه من جيبونا
والفلوس لاتهم اللهم الي نفكر فيه ان فيه مكان نطلب منه ويجيب لاهالي الحاره طلباتهم ويقربها منهم والحمد لله الدين عندنا قبل الكاش لاهالي الحاره

وكلامك كله على العين والراس بس انا لمن ادخل الاقي كل شي صحيح
ولو انتو لاحظتو شي جديد ياليت تواصلوننا بالسريه ونشوف كل شي بالطبيعه والله انا ودي بالي يجي ويقول هذا خطا لان الي يبين خطانا هذا هو الي يعزنا

وبالنسبه للي تقول عنها انا راح ارسل شخص مايعرفونه العمال ويشيك على كل شي لان في حال تواجدي الاقي كل شي نظامي

[دربكه]

المواد الى باقي عليها شهر يرمونه في المحرقه وهاذا ياكلها لعيالنا علمنا البقاله ي ولا بلغ الشرطه قسم الامن الوقائي وهم يشفونله حل انت اكتشفت بسكوت ويمكن الخافي اعضم وتراها في ذمتك