المساعد الشخصي الرقمي

مشاهدة النسخة كاملة : يوميات العضو/ الإستضافة الثانية .... المنصوري


متابع رياضي
08-25-2009, 01:31 AM
العضو الثاني في يوميات العضو لعام 1430 هــ

هو الاخ (( المنصوري ))


وتستمر الاستضافه الى يوم الخميس


عاد لا اوصيكم عليه خخخخخخخخخخخخخ

الفضي99
08-25-2009, 03:28 AM
نشكر نبض الامل على سعة صدرها وتجاوبهااا مع الأسئلة السابقه ...

المنصوري نسأل الله ان يتقبل صيامك وقيامك ... وسؤالي ... ماوجبتك الرئيسيه في الافطااار ؟؟ وماهو مشروبك المفضل في رمضااان ؟؟

ابو غيوض
08-25-2009, 03:39 AM
يعني ورطتني وسويتها يا متااااااابع ؟؟ ==> يقال له ماعنده خبر

اولا السلام عليكم ورحمة الله وبركاته
ثانيا ودي افصخ بشتي وشماغي ==> نصاب لابس فانيله علاقي

يعني ودي اسوي اكشن جديد ومختلف وياليت اللي بيسال يكون بعيد عن الفلسفه ويسأل اسئله زي الناس

والا ترى حيزرااااااااااااااااانة ابو طلال موجوده==> افهم يافهيم

ودامك اول واحد يسأل يالفضي ابسامحك على اللغه الفصحى لاني ودي افصخها واجردها معكم واصير واحد من ربعكم ==> ماودك تاكل هوااا <=== طيب

وجبتي المفضله ممممممممم شوف اهم شي عندي الشوربة وبالمشرووم وبالكريمه ==> احس ابو طلال مطلع لسااااانه وبعدها لازم هريسة الوالده ووجبة معشوقتي ==> ماودك تقول لنا سفرتكم اليوميه

ومشروبي المفضل طبعا الفيمتو==> يحلو معها اللقاء :)
بس هذا اللي قدرت عليه يالفضي ؟؟ حسيتك متحمس لووووول

يالله بسرعه اسألوا اكثر==> مابقى الا يفصخ العلاقي من قو الحماس
عشان ارد عليكم بكره ==> يازينك ساكت
ابي اجي والقى الصفحه مليانه اسأله وكذا

طبعا راح تكون هناك جوائز قيمه للي يسأل اسئله حلوه يقدمها لكم متابع رياضي باخر الجوله

راقبونا ==> اوعه تغير الريموت <=== طبعا من الحماس معليش

اقصد ترقبونا
تشاو :)

مجهول فى زمن الصمت
08-25-2009, 02:59 PM
حبيت أسأل ضيفنا المنصوري أسئلة


-ما أكثر ما يسعدك في هذه الحياة ويدخل السرور إلى قلبك ؟


- ماهو الالوان المحببه الى قلب ضيفنا الغالي؟


- الوحده أين أنت منها ؟


- ماذا قدم لك النت وماذا قدمت له ؟


- متى فكرت في ترك النت او الملتقى ؟


- من هو العضو او العضوه الاقرب الى قلبك ؟


-صفات العضو المميز او العضوه المميزه بملتقى العيون؟


- من هو العضو اللذي غادر ملتقى العيون وتتمني عودته ؟


-اصعب موقف مر على ضيفنا ؟


- اطرف موقف مر على ضيفنا العزيز ؟


-موقف لايمكن نسيانه ابدا ؟


- هل مر في حياتك تجربه فاشله من اي نوع استفدت منها في تصحيح مسار حياتك ؟


- كم يتسامح ضيفنا مع زلات الاصدقاء؟


- متى يشعر ضيفنا بالاحباط؟


باقي اسئله بعدين هع

همس الدلع
08-25-2009, 03:46 PM
بسم الله..بس سؤالين خفيفين..ياالله

1/ أمنيهْ تتمنى أنْ تتحقْ فيْ رمضانْ ؟؟

2 / وشْ أكثرْ شيءْ تحرصْ عليهْ فيْ لياليْ رمضانْ .. وبالذاتْ العشرْ الأخيرةْ ..؟؟

وبعدين بكمل ..لي رجعه..

ابو غيوض
08-25-2009, 05:08 PM
مجهول
خلاص شطبنا تقدر تمر المحل اللي جنبنا

حرام عليك يااخي والله لو انها عزبة رمضان على هالاسأله

ارحم والديني شوي متى بالله ارد عليك انا ؟؟؟ شووف همس الدلع وتعلم

اسألتين خفيفين مع انهم مدري وش يبووون
مجهوووووووووووووووووووووووول اعتقنــــــــــــــــــــــــــي... قسم بالله ماهو انا اللي مكسر قزاز قدام بيتكم

يااخي قسم تراه مو كرسي الاعتراااااااااف .... وترى لك مهله تغير هالاسأله والا بنشيل اسمك من السحب على الجوائز <== عديل تعال تعلم

على العموووووووووووووووم مدري افكر ارد عليك وانا بالدوام والا اخليها بالليل
المهم ما أوعدك متى اجاوبك انت بالذات خخخخخخخخخ

بس مدري وش يحس به متاااااااابع وهو حاطني في موضوع مشترك ؟؟ الحين كيف ازيد من شعبيتي وجمهوري يبحث عني في شباك تذاكر نبض السعاده يؤؤ اقصد الامل

على العمووم لي رجعه بس ماخليتها في نفسي وهالمجهووول بغى يفطرني والله حتى ماقريت باقي الاسأله
بس من كثرها حسيت نفسي في اختبار قدرات هالجيل الجديد لووووووووووول
يالله برب=> بس يمكن يطوول

متابع رياضي
08-26-2009, 03:35 AM
اقول يالمنصوري رد على مجهول وعلى همس الدلع


وشد حيلك لادوس في بطنك وبطن خويك خخخخخخخ


وكلامك ان شاء الله بطبقه في السنه الجايه ان بقينا لذاك الوقت

أبو طلال
08-26-2009, 04:04 AM
أهلا بالأخ المنصوري

سؤالي

هل تفطر يوميا في بيتكم ، بحكم عملك البعيد عن العيون ؟

هل صادفتك مشاكل أثناء الذهاب لمقر عملك أثناء الصيام ؟

الأكلة الشعبية الأقرب إلى نفسك في رمضان ؟

لـــمـــ سة حــــ نان
08-26-2009, 05:10 AM
ياهلا فيك اخوي المنصوري

1/ تحب تاكل ورق عنب :sm290: واذا تحبه تحب يكون حامض مره ولا وسط ؟

2/ تصلي صلاة التراويح كامله ولا تصلي نصها وتهج :sm16: ؟

3/تساعد اهلك في الطبخ او في تقديم الطعام قبل الافطار ولا (ما اظن شكله ماهمه الا يعبي بطنه ويقوم خخخ ) :sm247:

ابو غيوض
08-26-2009, 01:28 PM
اولا حياك الله يا اخ مجهول وسامحنا على الزله اللي فوق وتراها للدعابه فقط==> الفقها
ولا يهمك راح اجاوبك على اللي اقدر عليه--> تحتها ثلاث خطوط
بسم الله نبتدي


حبيت أسأل ضيفنا المنصوري أسئلة

اسأل يااخي أسأل,, يعني لو ما اسأل انا انتا ماتسأل
-ما أكثر ما يسعدك في هذه الحياة ويدخل السرور إلى قلبك ؟

والله شووف فيه اشياء كثيره جدا, ولكن اسعدها عندما اكون مع (العيال)
- ماهو الالوان المحببه الى قلب ضيفنا الغالي؟

شوف انت حيرتني .. تقول ماهو الالوان ؟ يعني تبي تقول ماهو اللون ؟ والا ما هي الالوان ؟

ان كانه الوان فهي حقا شعار العالمي (الاصفر والازرق) واما ان كان اللون؟ فهو اللون الكحلي..
- الوحده أين أنت منها ؟

في مكه ... سوري اقصد كثير منا مايحبذ الجلوس لوحده.. ربما لمراجعة النفس وربما لاخذ الراحه والحريه في التفكير وربما لغرض تغيير الجو... ولكن ليس بشكل كبير

- ماذا قدم لك النت وماذا قدمت له ؟
والله النت قدم لي اشياء كثيره في تقريبا تسع سنوات او اكثر.. مثلا اخذت منه تطوير النفس تعارف الناس.. حب الناس.. ايضا تفكير الناس وانطباعاتهم بمختلف اللهجات واللغات... وانا قدمت له اشتراك مجاني في (عالم الفضفضه)

- متى فكرت في ترك النت او الملتقى ؟

من ناحية النت؟ فتمر بنا لحظات نريد فيها تغيير الروتين اليومي المتبع حاليا لدى الشعب السعودي الا وهو النت.. فأذا واجهت مشاكل او ملل من النت تركته وبالتالي اترك من بداخله من منتديات او اشخاص اعزاء ولكن نكتفي به في العمل لمشاهدة الاخبار اليوميه....
اما من ناحية الملتقى؟؟ فقد تركته فعلا من تركي لما ذكرت سابقا...( والحين انا عندكم وبغثكم بسماجتي )

- من هو العضو او العضوه الاقرب الى قلبك ؟

والله بكل صراحه ( احرجتاني)
لكن في الحقيقه الاقرب الى قلبي هو ( متابع رياضي):sm144: -----> بياخذ مقلب
وكشخص معجب به جدا هو ( الاحمر) يؤؤؤ اقصد ابو طلال :sm226:

-صفات العضو المميز او العضوه المميزه بملتقى العيون؟

صفات العضو المميز او العضوه المميزه.. ليس انا من يحكمه لأنني كذلك عضو
ولكن من واقع الخبره سوف اجيبك على سؤالك
العضو\هـ المميز\هـ يجب ان يكون شخص متفاعل بدرجه ملحوظه ولكن ليس في كثرة ردوده ولكن بجودتها وقيمتها.. كذلك دخوله في النقاش المفيد .. حين يتلقاها المتلقي يكون لها صدى ملحوظ.. ايضا مشاركته بكتابة المواضيع المميزه والجديده والمثيره.. ايضا تنوعه في الكتابات.... يعني مو دايم يصير (سيبويه) ولاهو بدايم يصير (عادل امام)... التنوع مطلوب في كل مكان وزمان.. حتى بالردود يكون هناك تنوع حسب طرح الموضوع
- من هو العضو اللذي غادر ملتقى العيون وتتمني عودته ؟

كل الموجودين فيهم الخير والبركه ( وبصراحه لا اعرف الا القليل بالمنتدى )

-اصعب موقف مر على ضيفنا ؟

والله شوف المواقف كثيره لكن موقف مر ؟؟ يااخي احسه مر وبنفس الوقت كوميدي وامتنع عن قوله ( لانه بيصير ممسوك علي ) يمكن بعدين اقوله ههههههههههههه
- اطرف موقف مر على ضيفنا العزيز ؟
خلاص ابجاوب على هذا واللي فوق بنهاية البرنامج شرايك ؟؟ بس ذكرني --> يارب ينسى


-موقف لايمكن نسيانه ابدا ؟

.. هههههههههههه تقريبا من 12 سنه ماضيه كنت في رحله مع ثلاثه من الشباب ورايحين من مكه الى المدينه وكانت معي كاميرا تصوير (العاديه) --> لاحظ انها مش ديجيتال
طبعا تخيل في كل مكان اقول لهم 1-2-3 شيييييز .. وكل واحد مطلع ضرس العقل.. واللي مطلع الحشوه الرصاصيه---> على باله مركب طقم اقلام

واللي يسوي حركات
واانا اتصيد للشباب بالليل والواحد فاقن (ثمه) ومن هالاكشن... طبعا الكاميرا تعطيك الارقام
يوم وصلت 36.. عاد انا ماعندي الا هالفلم وقلت ابفكه لارديت لمكه..
طبعا خليته بالفندق يوم وصلنا لمكه الا واحدن من الشباب جا وقال لي وين الفلم .. قلت بالكاميرا.. قال ابد مافيه شي وقاموا يضحكون علي وماسوت علي .. وصارت الرحله كلها 1-2-3 شيييييززز ... والى يومك هذا كنت متأكد ان الفلم فيها... ولكن حسبي الله على الظالم--> خنقته العبره (اهيئ اهيئ)
- هل مر في حياتك تجربه فاشله من اي نوع استفدت منها في تصحيح مسار حياتك ؟

الحمدلله لا اذكر تجربه فاشله خضتها الا يوم تعاقدت مع ريال مدريد لووووووووووول
طبعا الحمدلله اولا واخيرا ولكن قد يجد الشخص في بداية حياته العمليه صعوبه في التأقلم مع الاجواء..وربما هناك اشخاص قد يكونوا لك كالعثره لكي لاتصل للقمه فتتخطاهم.. وطبعا (راح تسمع التحطيم مما يؤدي الى الغياب والاعذار الطبيه) وتطنيش العمل... لكن الحمدلله صبرنا ونلنا ما يرضي طموحنا في الوقت الراهن سواء من التقييم الاداري او الترقيات.. ونتطلع للمزيد في المستقبل القريب ان شاء الله

- كم يتسامح ضيفنا مع زلات الاصدقاء؟

كثيررررررررررررر جداااااااااا ----> قايلها من قلب

- متى يشعر ضيفنا بالاحباط؟

عندما تساعد اصدقائك عندما يحتاجونك...بينما لا تجد من يساعدك في حاجتك لأحد
باقي اسئله بعدين هع

وحاااضرين للطيبين ,, بس ليه كتبت بالوردي اخر الرساله ؟؟ :sm51:

ابو غيوض
08-26-2009, 01:39 PM
بسم الله..بس سؤالين خفيفين..ياالله

1/ أمنيهْ تتمنى أنْ تتحقْ فيْ رمضانْ ؟؟

2 / وشْ أكثرْ شيءْ تحرصْ عليهْ فيْ لياليْ رمضانْ .. وبالذاتْ العشرْ الأخيرةْ ..؟؟

وبعدين بكمل ..لي رجعه..


هلا بهمس مره اخرى
قصدك تتحقق ؟ --> سجلوها بالمرور :sm144:
والله الاماني كثير وانا اخوك.. لكن اتمنى اني اتخلى عن شي متعود عليه :sm53:
--> ادري ما احد فهم

سؤالك الثاني... والله اكذب عليك اذا بقول لك تراني احرص على التهجد والتراويح ومن هالكلام

لكن نعمل الطاعات بقدر الامكان.. بحكم ظروف العمل

ونحن في انتظار عودتك يا اخت العرب :sm4:

ابو غيوض
08-26-2009, 01:45 PM
اقول يالمنصوري رد على مجهول وعلى همس الدلع


وشد حيلك لادوس في بطنك وبطن خويك خخخخخخخ


وكلامك ان شاء الله بطبقه في السنه الجايه ان بقينا لذاك الوقت

يااخي مدري ليه احسك عايش مع شلة سودانيين( ايييييييي) زين ماتاذن والميكروفون منسدح خخخخخخخخخخخ --> ذكرتني بالنكته .. السنه الجايه اجل هااه

طيب يازول ورى ماتكبر خطك؟؟ كل هذا كسل بعد ؟؟ تراك اعميتنا ياجعل اللي (ماني بقايل):sm234:

وبعدين وش هالمقدم للبرامج ولا يسأل ضيفه.. طيب وراك ماتسأل.. اذا ماتعرف تقدر تستعين (بزول اخر) :sm291:

وترى خويك يقال له مورطني بالاسئله هههههههه ---> صدق ورطني

ابو غيوض
08-26-2009, 01:52 PM
أهلا بالأخ المنصوري

سؤالي

هل تفطر يوميا في بيتكم ، بحكم عملك البعيد عن العيون ؟

هل صادفتك مشاكل أثناء الذهاب لمقر عملك أثناء الصيام ؟

الأكلة الشعبية الأقرب إلى نفسك في رمضان ؟

احسك مستعجل وانت تسأل ؟؟؟؟

ماقد سمعت بالمثل اللي يقول ( اللي في بطنه ريح شده وحطه بالخامس ) ؟؟
هههههههههههههه

السؤال الاول
لا... المفروض اني اتسحر يوميا بالبيت :( لكن كلها كم يوم وتعدي

السؤال الثاني ههههههههههههههههههههههههه
شرايك تكتب اللي بالخاص وتفكني ؟؟؟؟؟؟ ههههههههههههههههههههههه
صادفتني مشكله اني وصلت امس للدوام ولمبة البانزين مولعه والى يومك هذا ماحصلت بانزين يرجعني للديره --------> نفس ازمة الرز بالضبط..

الاكلات الشعبيه كثيره والله بس يااخي احب هريسة الوالده(الله يطول بعمرها ) واحب (السليق)

ابو غيوض
08-26-2009, 01:59 PM
ياهلا فيك اخوي المنصوري

1/ تحب تاكل ورق عنب :sm290: واذا تحبه تحب يكون حامض مره ولا وسط ؟

2/ تصلي صلاة التراويح كامله ولا تصلي نصها وتهج :sm16: ؟

3/تساعد اهلك في الطبخ او في تقديم الطعام قبل الافطار ولا (ما اظن شكله ماهمه الا يعبي بطنه ويقوم خخخ ) :sm247:
هلا باللمسه
اجاوبك دووووغري احسك حاطه الحموس على النار وخايفه يحترق
1. اي والله اموووووت بورق العنب وهو مره حاامض
2. على حسب لووووووووول شكلك تسمعين بالهجه
3. اي بلا اساعدهم وانا جالس على السفره---> يقال له منظم السفره وفي مقوله مسفراتي

اشكرك خاااااااالص أوي:sm3: على هالاسئله الخفيفه والمرنه ويمديك تكملين الحموس :sm89:

الحانوتى
08-26-2009, 04:18 PM
متى اول سنه صمت فيها ؟؟

من تسمع له من القراء ؟؟

من هو شاعرك المفضل؟؟

هل فيه طبخه تجيد طبخها ؟؟

وش اهم شي يكون في السفره اذا بتفطر ؟؟

ابو غيوض
08-26-2009, 05:46 PM
ياسلاااااااام سلم

اسأله جديده بصراحه وحلوه ومشكله

اشكرك ايها الحانوتي الاغبر

متى اول سنه صمت فيها ؟؟
وانا بسن 10 الى 11 سنه تقريبا
من تسمع له من القراء ؟؟
كثير.. ولكن ابرزهم السديس-الشريم- العجمي... واي واحد باذاعة 612 am
من هو شاعرك المفضل؟؟
الامير خالد الفيصل
هل فيه طبخه تجيد طبخها ؟؟
الكبسه-المشخول-مكرونيا-المندي :)
وش اهم شي يكون في السفره اذا بتفطر ؟؟
اهم شي الشوربه

شكرا مرة اخرى ايها الحانوتي الاذعر

ابو غيوض
08-26-2009, 10:15 PM
مو كن همس الدلع غيرت اسمها الى كسر الخواطر والا يتهيأ لي ؟؟ --> يقال له منتبه
اللي بعدووووووه

عديل الروح
08-27-2009, 03:19 AM
هلـآ فى المنصوررري

عندي كم سؤآل وبطس مـآنيب مطول هع


س1_هل تقرآ قرآن فى رمضآن؟ وكم جزء تقرآ فى اليوم ..؟

س2_مـآهو جدولك الرمضآني..؟

س3_مـآهي المسلسلـآت التي تبعتهآآ فى رمضآن..؟

4_كم السآعهـ تتنآول وجبة السحوور..؟

5_هل تفضل الفطور بعد آذآن المغرب او مع الـأذآن مبآشرهـ ..؟



وبس :)

ابو غيوض
08-27-2009, 03:41 AM
هلـآ فى المنصوررري

عندي كم سؤآل وبطس مـآنيب مطول هع


س1_هل تقرآ قرآن فى رمضآن؟ وكم جزء تقرآ فى اليوم ..؟

س2_مـآهو جدولك الرمضآني..؟

س3_مـآهي المسلسلـآت التي تبعتهآآ فى رمضآن..؟

4_كم السآعهـ تتنآول وجبة السحوور..؟

5_هل تفضل الفطور بعد آذآن المغرب او مع الـأذآن مبآشرهـ ..؟



وبس :)

هلا بغريب الدار وخذ راحتك فديتك
1-قراءة القرأن للاسف ما ابتديت فيها هالسنه لكن الحمدلله اقراء بعض مما احفظ من القرأن يوميا واستمع لاذاعة القرأن البحرينيه على تردد 612 بحكم ظروف العمل لكن ان شاء الله اببتدي فيه بعد ماتخلص ظروف العمل والله يجزاك خير للتذكير
2- جدولي الرمضاني هالسنه ملخبط بحكم ظروف العمل..
3- مسلسل طاش ماطاش و شر النفوس(فوت حلقه وشوف حلقه) وباب الحاره والمباريات
4- سحوري الساعه ثلاث الى ثلاث وربع
5- افضله مع الاذان والتحليه بعد الاذان.

شاكر لك ومقدر مرورك واسالتك الشيقه
دمت بود

أبو طلال
08-27-2009, 03:54 AM
كم سعر ليتر البينتو في مقر عملكم ؟


وش كان سحورك قبل قليل ؟

وش تتصور المدير أهدى لمتابع رياضي الساعة 12 الا ربع ؟

مانصيب هذه القنوات لديك في رمضان ( المستقلة ، صفا ، الناس ) ؟

ابو غيوض
08-27-2009, 05:01 AM
كم سعر ليتر البينتو في مقر عملكم ؟


وش كان سحورك قبل قليل ؟

وش تتصور المدير أهدى لمتابع رياضي الساعة 12 الا ربع ؟

مانصيب هذه القنوات لديك في رمضان ( المستقلة ، صفا ، الناس ) ؟

والله ببلااااااااااااااااااااااااااش بدون اي بلوووووووس --> متعمد قايلها

الله يجازي اللي كان السبب بس في القضاء على البينتووووووو امس

سحوري قبل شوي كشري-كفته-شوربه-بيبسي-كوسه-ورق عنب :)
(اهم شي انه بالبيت)

شوف انا شفت انه تغير الى مراقب اداري بس اتوقع اهدااااااه مممممممم وشو ياربي وشووو

يمكن اهداه (رمز واحد لابس نظاره ) عشان يزبط اللي قلت له عليه خخخ
مدري والله بس ياليت تعلمني ههههههههههه ابي اتشمت

ولا وحده منهم اتابعها هالقنوات

ابو غيوض
08-27-2009, 05:04 AM
يالله ترى الوقت بينتهي :)

سارعوا بالتسجيل .. قصدي بالاسئله

قبل نفاذ الكميه :)

أبو طلال
08-27-2009, 05:41 AM
هاك وإضحك على رفيجك ياغالي

اللهم لاشماته


http://www.aloyun.com/vb/showthread.php?t=43482

متابع رياضي
08-27-2009, 05:48 AM
لا ينشق برطمك بس من الضحك يا بو طلال

ℓα∂y ℓανєи∂єя
08-27-2009, 06:16 AM
^_^

والله يامتابع غصب ع ابو طلال يضحك

:

لي عودهـ بأذن الله بالاسئله ..

ابو غيوض
08-27-2009, 01:20 PM
كككككككككككككككككككككككككككككككككك

احس البقس بيقوووم

والله يامتاابع احسك مبرطم ههههههههههههههههههههههههههه

ترى ماتسوى كلها علبة قشطه

الحين ابساال ؟ القشطه تنوكل بالكمشه--> على قولة متابع ؟؟

اخبرها يالخبز والعسل او تغمس التمره بوسطها ههههههههههههههههههههه

كشطه ياكشطه لا بعد وتقول له صاادق والله ككككككككككككككككككككككككككككككككككككك

عاشق الريدز
08-27-2009, 04:13 PM
1/ إسمك ؟

2 / عمــرك ؟

3 / حكمتك بآلحيآهـ ؟

4 / أعز أصدقآئك؟

5 / أغلى آلنـآس عندك ؟

6 / وش مخلي اسم متابع في جوالك ؟؟

6/أقصر مهمة يوميه تقوم بها ؟

7/هل أنت صريح , أم كتوم, أم مجامل؟


8/شيء تحرص على حمله معك في كل مكان ؟

9/ مالفرق بين رمضان ايام طفولتك ورمضان الحالي ؟؟

ابو غيوض
08-27-2009, 05:55 PM
هلا بالريدز والدراز لوووول
1/ إسمك ؟
المنصوري
2 / عمــرك ؟
32 سنه
3 / حكمتك بآلحيآهـ ؟
صديقك من صدقك(بفتح الدال) لا من صدقك (الشده على الدال)
4 / أعز أصدقآئك؟
حسين بن جمعه
5 / أغلى آلنـآس عندك ؟
كثيرين
6 / وش مخلي اسم متابع في جوالك ؟؟
سعود الفالح وبغيره الى قشطتي :)

6/أقصر مهمة يوميه تقوم بها ؟
الذهاب للبقاله


7/هل أنت صريح , أم كتوم, أم مجامل؟
في منتهى الصراحه.. واسأل متابع عني لؤؤل



8/شيء تحرص على حمله معك في كل مكان ؟
الجوال

9\ مالفرق بين رمضان ايام طفولتك ورمضان الحالي ؟؟

رمضان زمان كنا عائله صغيره ونفطرمع الوالد والوالده
رمضان زمان كانوا الجيران يسيرون على بعض..الصغار يلعبون مع بعض .. حتى كنا ندخل بيوت بعض وفي قمة البرائه

رمضان هالوقت كلن لاهي في حاله.. هذا زين اذا افطر عند شيبانه.. وزين الجار يكلف على نفسه ويسلم على جاره.. رمضان هالجيل..رمضان النت ورمضان القعده بالبيوت وقليله جمعة الشباب وجمعة الاهالي

للاسف انا اشوف ان الشعب السعودي لو يرجع للوراء افضل انه يتقدم عشر خطوات للامام.. فيه تطور لكن فيه قطاعه

والله اشكرك جزيل الشكر يا الدراز ==> مسكت معه
حسستني لوهله انك تبي تخطب لي على هالاسئله

ماباقي الا اعطيك رقم فانيلتي العلاقي..
لؤؤؤؤل
على العموم ياحبيب ألبي احلى اسئله وان شاء الله تستمتعوون مع الضيف الجديد في الحلقه الجايه... خليك مع متابع وانت بس تابع :)

متابع رياضي
08-28-2009, 12:22 AM
نشكر الاخ المنصوري على سعة صدره وتجاوبه مع الاعضاء الكرام

واتمنى تفاعله مع بقية الاخوه والاخوات


وانتظروا الاعلان عن الضيفه الثالثه

وستكون في موضوع مستقل نظرا لرغبة الكثير من الشعب :sm59:

وبعد انتهاء الاستضافه ستدمج مع الموضوع الاساسي

يكفي يكفي
08-28-2009, 12:36 AM
فكرة حلوة
الله يوفقكم

متابع رياضي
08-28-2009, 12:39 AM
حياك اخوي معنا في الملتقى

في انتظار جديدك معنا في ملتقانا

واتمنى تفاعلك وطرح اسئلتك على الاعضاء او العضوات


ربي يسعدك ويوفقك وين ما كنت

ابو غيوض
08-28-2009, 01:54 AM
اقوووووووول يامتابع

عط الخباز خبزه وخلك على القشطه

انا ابي موضوع مستقل شلوون يعني :(

Ŝpongә Bob
09-26-2010, 04:39 PM
نسأل اللاه انيتقبل صيام الجميع