حروفه ( أمل ) ماعنه اخطيت ..

[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم ..

قبل كم يوم حلمت حلم

صحيت ولازلت اكرر احداثه بيني وبين نفسي

قلت اكتبه بقصيده وادري ماوفقت بس هذا الي طلع معي ..

المكالمه الي في الحلم طويله جدا ومابغيت اتطرق لكل الكلام

واكتفيت بالزبده ..

.......


جاني حلم في مرقدي يوم غفيت
اقسم وربي كيف بهدل كياني
اسمه مخزن حين دقت ورديت
يالله الستيره كيف رن وبلاني
قالت احبك وهي تبكي و صديت
لكن دموعه حرك خافي اشجاني
حروفه (..أمل ) ماعنه اخطيت
حيثه عثا في خافقي جيش ارداني
قالت وقالت وقالت وانا حيل فهيت
الساتر الله لاتلتوي عظمة لساني
وعدتها ماخون ولو عنك اقفيت
ومدري على الوعد وش اللي حداني
مدري من اهيا ولا اعرف منين والبيت
بس الحلم في الحقيقه هيج القيفاني

[نبض الأمل]

كلمات ولا اروع واختيارك وبالعكس ابداع اعجبتني وفقت :)
كنت آتمنى ان تطول ابياتك
مع ذلك ابدعت بالقصيده
طيب روحك لها اثر مميز بجمال حرفك
دمت كم تمنيت
..
.

[عديل الروح]

يـآالله عسـآهـ خيرر :)

وبالعكس وفقت فى آختيآر االكلمـآت


مـآننحرم من قصيدك

ودمت مببببدع


,,

[المـشتاق]

يعطيك العافيه ع الابيات

وانا مثل اختي كنت اتمني ان تطول في الابيات

بس كفيت ووفيت

[شَ ـآعُ ـٌر ٍ مُـً ِش‘ـًآعٌ َـْر ِ]

نبض الامل

هذا من ذوقك الرفيع وطيب اصلك اختي :)

صح بدنك ولاهنتي ع الرد الجميل والله افرحني ..

[شَ ـآعُ ـٌر ٍ مُـً ِش‘ـًآعٌ َـْر ِ]

غريب الدار

يارب خير:)

صح بدنك ولا هنت يالحبيب المعصب ههه

[شَ ـآعُ ـٌر ٍ مُـً ِش‘ـًآعٌ َـْر ِ]

المشتاق

هذا من جمال حسك الشعري يالغالي

تسلم ع الرد ولاهنت

[ℓα∂y ℓανєи∂єя]

شآعر
دمت ودام لنا قلمك

[شَ ـآعُ ـٌر ٍ مُـً ِش‘ـًآعٌ َـْر ِ]

ليدي

دامت ايامك ..

[ابو غيوض]

كلمات جميله وتعبر عن مادار بالحلم
ولكن بودي انك لحنت القصيده قبل طرحها حيث يعيبها الكسر الواضح في اغلب الابيات وهذا لايعيب الشاعر المبتديء بل اعتبرها نقطة الانطلاقه الشعريه وأتمنى ان تكون احد الرموز الشعريه في الساحه العيونيه مستقبلا ان شاء الله


انا لست بشاعر ولكني متذوق للشعر
همسه:
لاتعتبر نقدي لك اجحافا في قصيدك.. بل معجب بتركيب الكلمات والوصف واعتبره نقدا هادفا

وانتظر جديدك ان شاء الله

[شَ ـآعُ ـٌر ٍ مُـً ِش‘ـًآعٌ َـْر ِ]

كلمات جميله وتعبر عن مادار بالحلم

من ذوقك الرفيع اخوي ..

ولكن بودي انك لحنت القصيده قبل طرحها حيث يعيبها الكسر الواضح في اغلب الابيات وهذا لايعيب الشاعر المبتديء بل اعتبرها نقطة الانطلاقه الشعريه وأتمنى ان تكون احد الرموز الشعريه في الساحه العيونيه مستقبلا ان شاء الله

وانا كان بودي انك تطلع الكسور الي فيها عشان نستفيد منك اخوي :)


انا لست بشاعر ولكني متذوق للشعر

اها :) ان شاء الله تتطور الى شاعر اخي الكريم

همسه:
لاتعتبر نقدي لك اجحافا في قصيدك.. بل معجب بتركيب الكلمات والوصف واعتبره


لا شدعوه وش اجحافه الله يصلحك :)

هذا نقد وان ااحترم الارآء حتى لو ما اخذت فيها ..

[ابو غيوض]

بعطيك مثل واحد بس للكسر وعليك الباقي


مدري من اهيا ولا اعرف منين والبيت
بس الحلم في الحقيقه هيج القيفاني



الكسر واضح في الشطر الأول من البيت
وواضح انك مو متقبل الرد ومستهزيء بأمكانياتي اخوي الفاضل شاعر مشاعر

وبالتوفيق لك ولقلمك

[شَ ـآعُ ـٌر ٍ مُـً ِش‘ـًآعٌ َـْر ِ]

شدعوه الله يصلحك :)

طيب وين الحرف الزائد بالشطر

ووين الكلمه الي كسرت الشطر :)

وبعدين الي يعلم مايقول هالكلام الله يصلحك

وانا لو بغيت اوزن القصيده وزنتها

بس انا تعودت وتعودوا الي يقرون لي شفافيه الكلمات وابسطها

حيث ان الكل يدري هنا اني اكتب وعلى طول الصقها

واذا ع الوزن ياا استاذي عندي الكثير موزونات

بس مثل ماعلمتك القصيده الي فوق طلب من اختي هنا ووضعتها على عجل

بدون ما اوزنها :)

حياك الله اخ منصوري وبياك

[ابو غيوض]

لحول ولا قوة الا بالله
انا قلت فيه من الكسور وانت بالاخير اعترفت طيب قول لي من البدايه انك حطيتها على عجل وانها مو موزونه

ليه تلف وتدور وتقول لي دور لي وين حرف الكسر

طيب ممكن توزنها وتعيد طرحها اذا ماعليك كلافه يعني ؟؟ عشان نستفيد منك والكل بيستفيد :)
اتعلم مالمصيبه ؟
انك تقول ان لم توزنها وبالاخير تناقش اين البيت المكسور او الشطر او الحرف المكسور .. اذن لماذا تناقش ؟

وبرضوا بعطيك بيت غير موزون اخر

حروفه (..أمل ) ماعنه اخطيت
حيثه عثا في خافقي جيش ارداني

انا اول مره اقرى لك قصيده وراح الف على قصايدك كلها بعد وش تبي :)

اعتبرني زبوون عندك وسجل لي حضور بمواضيعك ياغالي:)

[شَ ـآعُ ـٌر ٍ مُـً ِش‘ـًآعٌ َـْر ِ]

حياك الله حبيبي

في كل موضوع لك كرسي فاضي

[ابو غيوض]

فديت قلبك بس ورى ماترد على اخر رساله مني برايفت :)

والا ماخذن بخاطرك مني :)

خلاص شعرك موزون ولا فيه شي بس رد علينا :)

ههههههههههه بديت احبك مدري ليه

[شَ ـآعُ ـٌر ٍ مُـً ِش‘ـًآعٌ َـْر ِ]

وهذا الي مخليني ما اتناقش معك

من رسايلك ومن اسلوبك الجاف

يعني من قبل ماترد هنا ادري انك بترد بهالاسلوب :)


ربي يحبك ان شاء الله

وانا بعد فديت راسك ههههه