المساعد الشخصي الرقمي

مشاهدة النسخة كاملة : سعود أقرب لا هنت

«¤¶`جارالله`¶¤»
11-14-2005, 02:10 AM
السلام عليكم ورحمة الله وبركاته

بفتح هنا جبهة محاوره بيني وبين

الإستاذ الشاعر / سعود الدوله

وأتمنى التواصل


سلام الله على الشجعان وأنا بادي بذكر الله=عليكم يا هل الطولات زبن الداخل العاني
سلام الله على الدوله عريب الجد والمله=عيوني والعيون رجَال حكّامٍ للأوطاني
جميل
11-14-2005, 05:27 AM
أول شي أقول لا إله إلا الله محمد رسول الله

وبعدين أقول تسلم أخوي جارالله على هذه الفكرة الحلوه
والدوله يستاهل اللي ذكرت فيه ويستاهل كل خير

عاد نبي نشوف رد الدولة

أنا أدري ملقوف شوي بس حبيت أشارك و أعبر عن شعوري
سعودالدوله
11-15-2005, 03:32 PM
وعليكم السلام ورحمة الله وبركاته


حياااك الله اخوي ابوخالد




شااااكر لك الدعوه الكريمه وابشر يا خوك


كما اشكر اخي الجميل جميل على التفاعل والمشاركه




استلم لا هنت



الا يا مرحبا ترحيبة تملا الفضا كله=
تحيه سقتها للي يضيف القاصي والداني

سلام احلى من السكر مع النسمات واهله=
هلا بالشاعر اللي روض القيفان بالحاني
تحياااااتي
ذكريات
11-15-2005, 05:45 PM
فكره رائعه والأروع اسلوبكم هنيئآ لنا بكم فأنتم كنز ثمين احييكم واتمنى منكم محاوره طويله نستمتع بها 000
«¤¶`جارالله`¶¤»
11-15-2005, 08:46 PM
أول شي أقول لا إله إلا الله محمد رسول الله

وبعدين أقول تسلم أخوي جارالله على هذه الفكرة الحلوه
والدوله يستاهل اللي ذكرت فيه ويستاهل كل خير

عاد نبي نشوف رد الدولة

أنا أدري ملقوف شوي بس حبيت أشارك و أعبر عن شعوري

لا اله الا الله

الاخ العزيز جميل

ياهلا وغلا

وهذي ماهي لقافه منك

بالعكس إحياء للعب والصفوف

ومنورنا يالغلا

تقبل تحياتي واحترامي
«¤¶`جارالله`¶¤»
11-15-2005, 08:56 PM
الأخ العزيز والقدير

سعود الدوله

يا مرحباً ألف

وأشكرك على قبول الدعوه

وأتشرف بذالك

ولا هنت يالقرم


هلابك ألـف يالدوله.. هـلا ونبهّـر الدلّـه=هلابك ألف أرددها علي بمر الأزماني

وألا ياسعود بشرني عسى ما تشتكي عله=عساك بخير يا ذيب/ن سرا بالليل سرحاني
«¤¶`جارالله`¶¤»
11-15-2005, 08:58 PM
فكره رائعه والأروع اسلوبكم هنيئآ لنا بكم فأنتم كنز ثمين احييكم واتمنى منكم محاوره طويله نستمتع بها 000

الأخت ذكريات

تسلمين على التشجيع

وأذا كنّا الكنز فأنتم من يحفظ هذا الكنز

تقبلي تحياتي
ღ أميرة الورد ღ
11-16-2005, 03:14 AM
اااالله روووووووووووعه <<< تحب المحاورات

الله يوفقكم اخواني جار الله وسعود

<<< بتظل متابعه لكم

يعطيكم العافيه
سعودالدوله
11-16-2005, 09:00 PM
كل الشكر والتقدير لجميع الاخوه

المشاركين والمتواصلين هناااا



ابو خاااااااالد استلم لا هنت





اقدم كفي لك سمع وقلبي جاااااااك واحتله=
نقدر وقفة اللي مثل شرواكم ولا هاااني

يسرك حالنا دامي قليل بفعلة الزله=
كساني ربي من فضله صديق وصحة ابداني
«¤¶`جارالله`¶¤»
11-16-2005, 11:09 PM
اااالله روووووووووووعه <<< تحب المحاورات

الله يوفقكم اخواني جار الله وسعود

<<< بتظل متابعه لكم

يعطيكم العافيه

الأخت العزيزه

أميرة الورد

الروعه في حضوركـ

ونتشرف بمتابعتك ومتابعة الجميع

تقبلي تحياتي
«¤¶`جارالله`¶¤»
11-16-2005, 11:20 PM
لا هنت يا سعود

وأستلم


كفو يالشاعر الشغموم وأنا يكفي ترا موَلّه=على وقتٍ جمعنا ثم فرق بين خِلاّني
كم واحد نسى ربعه وياكم من نسى خلّه=وأنا والله ما أنساك حلفت اليوم بلساني
شَ ـآعُ ـٌر ٍ مُـً ِش‘ـًآعٌ َـْر ِ
11-17-2005, 09:17 PM
احس ان جاني اشياء بالغدد
هههههههههه

ابي ادخل معكم بس ماينفع


احلا شاعرين احلا ترحيبه لكم هنا
سعودالدوله
11-19-2005, 08:19 PM
مسااكم الله بالخير جميعااا


حياااااااااك المنسم يا هلا فيك ومرحبا

نورت الصفحه يالغالي



المعذره على تأخري في الرد لظروف خارجه عن الاراده


استلم لا هنت يابو خااااالد



تعرف ان الزمن دوار وظل كل شي ظله=
ونا لك صاحب في كل ضيقاتك بتلقاني
ونا لك يا عريب الجد سيف للعدو سله=
يلازمني الفخر والعز مع ربعي مع اخواني


تحياااااااااااتي
C A P T A I N
11-20-2005, 01:18 AM
السلام عليكم
أعود بعد غيبه ليست بطويله..أني وي
الشاعر جارالله الشـــدي والشاعر سعود الدوله
أتمنى لكما التوفيق .. والله أنها فكرهـ طيبه

تحياتي
الفضي99
11-20-2005, 07:54 PM
محاورة رائعة وأبيات أروع من أخي الحبيب جار الله و أخي العزيز سعود بارك الله فيكما والله يوفقكم لكل مايحبه الله ويرضاه .
«¤¶`جارالله`¶¤»
11-21-2005, 01:03 PM
السلام عليكم ورحمة الله وبركاته

الأخوه الأعزاء والغالين

المنسم

الكابتن

الفضي

لا هنتو طالت أعماركم على مرورك المشرف

والله يعطيكم العافيه

=======================

الأخ العزيز والشاعر القدير

سعود الدوله

سعدت وتشرفت باللعب معك طال عمرك

وصح لسانكـ على كل ما بدأ

ولا هنت يالغالي

تقبل مني جزيل الشكــــر والتقدير

أخوك/ جارالله الشدي