مخاوي الهم أبو أشرف((آسف تعبتكم معي))

[ساري المفعول]

الليل في سجمات عمري يفور=والبدر قلم قلبي ودفتره

والهاجس يسري بي ويجور =الحزن ماخلى للفلاح ثمره

دايما خلي معي في سفور=أوجهه يمين ويساري تنهره

ويش خلالي بدر البدور=ان نصحته ولاني ظهره

هو ان طلبني سبع البحور=متقدمه كانت ولامتوخره

لأعطيه مايبغي ولا به قصور=يلوي كف قلبي ويكسره

ومع ذلك انا بحبه فخور=ولو ان حبه أكبر مقبره

ابي رايكم لا هنتم

[شَ ـآعُ ـٌر ٍ مُـً ِش‘ـًآعٌ َـْر ِ]

هلا بالشاعر :)

تقدم كبير

انت تشلها على لحن يابو بدر؟

فيه لحن السامري شل القصيده عليه وكل ماحسيت ان اللحن انلوى عند كلمه غيرها

وراح تنوزن كامل

الصراحه مو لذاك الزود في الوزن بس عندي ملاحظات كثيره عليها :)

.....................

الليل في سجمات عمري يفور
والبدر قلـم قلبـي ودفتـره

الشطر الاول على نظرتي ممتاز ..

الشطر الثاني حرف الواو اعتقد سوا زحمه لو تحط ( في ) افضل :) قبل كلمة دفتره

والهاجس يسري بي ويجور
الحزن ماخلى للفلاح ثمـره

الشطر الاول فيه مطبه

لو تخليه ( الهاجس اللي سرى فيني يجور ) افضل :)

الشطر الثاني لو تشيل الحزن وتحط ( والهمّ ماخلى للفلاح اثمره )

دايما خلي معي فـي سفـور
أوجهه يمين ويساري تنهره

الشطر الاول احس فيه خلل اتركه لبو أشرف افضل ..

الشطر الثاني ..( اسيّره الشمال وشرقي ينهره ) << يمكن اختلف المعنى لكن اقوى من الاول ..


ويش خلى لـي بـدر البـدور
ان نصحتـه ولانـي ظهـره

اعتقد البيت سليم ..


هو ان طلبني سبع البحـور
متقدمه كانـت ولامتوخـره

الشطر الاول استبدل اول كلمتين ( ان هو طلبني سبع البحور ) << لاحظ السلاسه :)

اعتقد الشطر الثاني سليم


لأعطيه مايبغي ولا به قصور
يلوي كـف قلبـي ويكسـره

وهذا بعد اشوفه سليم ..

ومع ذلك انا بحبـه فخـور
ولو ان حبـه أكبـر مقبـره

البيت حسب اعتقادي سليم

لكن مافيه قوه مثل الابيات الي سبقوه افضل انك تغيره بنفس المعنى بس بكلمات اقوى

.......................


طبعا التعديل على حسب نظرتي لانك تهتم برايي وقد اكون مخطي او مصيب ما ادري ..

ماشاءالله عليك

عندي لك نصيحه

دايما اختار الكلمات القويه والجزله في الكتابه لاتحط كلمه عاديه بسيطه
ترا القصيد ماينتعش الا بالكلام الجزل

ربي يسعدك يالغالي :)

وصح السانك مليون

[ساري المفعول]

ياهلا بك

هذي من اول ماكتبت بس الأبيات الثلاثه الأخيره دخيله ((توني حاطها قبل اربع ايام

المهم شكرا يامخاوي وما قصرت وبيض الله وجهك
نصيحه مهمه منك الله يجزيك بالخير

انتظر أبوأشرف من مده مادخل بصررررراحه طول الغيبه

[عبدالرحمن الغريب]

يا هــلا يا بــوبــــدر

صـح الله لسانك على كل حال وأنا آسـف على التأخير كما إني

أشكرك على الثـقـة.

شـف ياأبا بدر : أنا وإياك مديونين للأخ مخاوي هـمه

لأنه يرد قبلي ورده وافي ومكفيني بارك الله فيه لكن ما يمنع

ذلك أن أقـول رأيي يالحـبيب :

أولا ً : المعنى في البيتين الأولين جميل ومترابط لكن الباقي

أقل ترابطا ً.

القافية جميلة ولها رنـّة حـلوة وانت حافظـت عليها في

الشطرين .

ثالثات ً : أما الوزن فما زال الخـلل ماسـك به في أغـلب

الأشـطر .

لك دوام شكري وسـلامي .

=

[شَ ـآعُ ـٌر ٍ مُـً ِش‘ـًآعٌ َـْر ِ]

ياجعل راسك بالجنه يابو اشرف

لو تأخرت انت عاذرينك لظروفك

لكن انا لابد اني اعطيه من ماتعلمته منك :)

[عبدالرحمن الغريب]

العــزيز مـخــاوي هـمــه

فيك بركة ما انت بقاصـر

أشكرك .

=