مطلع قصيده ابي رايكم فيه ((أبوأشرف-مخاوي همه))

[ساري المفعول]

ياشمس غبي عني ظلام الليل = وأعلني صفحة بالوفاء ممليه

وأدني أعلمك وش معنى الرحيل = وفراق القلوب العاشقه المبليه

وأدني أكثر لين الزمان يميل = وتميل كفة قلوب هنيه


ودي أسمع صوت تغريد البلابيل = وتشفى علة بالصدر داخليه


علة تحرق جدار الصدر بالحيل = وتتفجر براكين الدموع الخفيه



على صاحب فراقه يهد الحيل = وقربه نار في صدري لضيه


يادكتور تكفى عجل عطني التحاليل = دواك ماينفع آثاره جانبيه


وأن عجزت شل قلبي معك شيل = وبدل قطعة لحم بقطعه صناعيه


يمكن أشفى قبل لاموت وأحيل = صوب القبر مع القاع السويه

هنا جددت جرح قد أزيل = قبل عامين أو زود شويه

ما قدرت انسى الزول الجميل = الي حياتي من بعده شقيه

صد وكواني وشهي التفاصيل = خلاني معلق بلا روحه ولاجيه

[شَ ـآعُ ـٌر ٍ مُـً ِش‘ـًآعٌ َـْر ِ]

ماشاء الله عليك

وهذي قصيده كامله مو مطلع هههه

الا اذا ناوي تسسسرد زياده ممتاز :)

عندي ملاحظات بسيطه جدا

ابو اشرف بيفيدك اكثر من ناحية الوزن

لاني مو ذاك الزود فيه

بعدل لك كم شغله ياتطلع مضبوط ياتنعفس

:)



هذي ابياتك ..


علة تحرق جدار الصدر بالحيـل
وتتفجر براكين الدمـوع الخفيـه
على صاحب فراقه يهـد الحيـل
وقربه نار فـي صـدري لضيـه
يادكتور تكفى عجل عطني التحاليل
دواك ماينفـع آثـاره جانبـيـه

.............
( بعد التعديل )

علة ٍ تحرق جدار الصدر حيـل
تتفجر براكين الدمـوع الخفيـه
على صحيب ٍ فرقته هدت الحيـل
وقربه لهيب فـي صـدري وكيه
دكتور تكفى عجل علي بالتحاليل
دواك ماينفـع آثـاره جانبـيـه

....

قد اكون مخطي بس على ما اشوف انا عدلت

وتقدم كبير جدا يابو بدر

ومره ثانيه ماتحتاج مساعدتي انا الي بحتاج تساعدني

ماشاء الله تبارك الله .. الله لايحرمك هالموهبه :)

[مملكة الاحساس]

مساااااائكم شعر وعطر وتهاليل
وفااالكم الخير في الروحه والجيه
يقااااااااالي اقلدكم الحين؟؟؟؟؟؟؟؟؟؟؟؟؟؟؟>>>>>>>>>>>>>>>>>>> ابطي في هالامور
ابوبدر مخاوي همه عساكم على القوة

والله يزيدكم أن شاءالله

[ساري المفعول]

هلا والله مخاوي همه..

بيض الله وجهك على الرد السريع


هذا مطلع جاء في وقت واحد طبعا بنيت الخيال في افكاري في مزاج رايق حيل

اما بالنسبه للوزن فلا ناقة لي فيه ولا جمل انتم سنادي فيه الله يقويكم


وان شاء الله أكمل القصيده السنه الجايه لأن مثل هالمزاج نادر مايسير علي

ولا اقدر اقول الا بيض الله وجهك يامخاوي همه...

وان شاء الله نتشرف بأبوأشرف

في هذه الصفحه ويجينا بأنتقاده الكامل من أعلى القصيده الى آخرهابيت بيت

ولا هو مقصر ان شاء الله

شكرا مخاوي همه

[شَ ـآعُ ـٌر ٍ مُـً ِش‘ـًآعٌ َـْر ِ]

العفو يالغالي

هيئ نفسك واخلي لك الجو .. حتى لو تروح البحر لحالك باخر الليل

كثير انجبرت اروح عشان كم بيت وارجع ..

[عبدالرحمن الغريب]

يا بــو بــــدر

يا هــلا مثل الحـلا ومرحـبا عـدد الخـطا إلى ديار سـبا

قـلت لك مخاوي هـمه طـيب وفـعـله جـميل لا شـلت يمينه ولا

عـثر قـلمه.

أما أنا فأقـول يالغالي :

مثل ما قلت أنت الوزن مشـكلة بالنسبة لك وما زلت في

الطـريق المكنكر لكن مع المثابرة والجـد والإستمرا والعـمل

بالإرشادات والمقابلة الحـية مع أهـل الصـنعة لأنها أفضـل من

التعـلم من بعـد فمع ذلك كله سـتسـلك الطريق المسـفلت إن شـاءالله

ثم :

- أرى لو وضـعـت الأبيات الثلاثةالأخيرة بعـد البيت السادس لكان أفضـل في

ترابط المعني ويكون آخر أبيات القصـيدة هو( يمكن أشـفى ......... إلخ )

- تقـول في البيت السادس :

(على صاحب فراقـه يهـد الحيـل \\\\\\ وقربه نار فـي صـدري لضيـه)

فإذا كان قربه نار وش تبي به أصـلا .

- لماذا تطـلب من الدكتور الدواء والتحـليل مادمت عارف أنها ما

تنفـعـك ؟

أخيرا ً سـلم على نفسـك وعلى الأخ مخاوي هـمـه ونا حاضـر على

طووووووول .

=ً

[شَ ـآعُ ـٌر ٍ مُـً ِش‘ـًآعٌ َـْر ِ]

ياهلا استاذنا عبد الرحمن


انا ماتعمقت في معنى قصيدته لان الوزن اهم من المعنى اذا سلكناه يجي بعدين المعنى

بالنسبه للدوا والدكتور حبيت اوضح تعديلي :)

دكتور تكفى عجل علي بالتحاليل
دواك ماينفـع آثـاره جانبـيـه


الدكتور دايما يسوي تحاليل ويعطينا دوا قد حاضر وبعدين تطلع نتايج التحاليل

انا هنا اقصد ان الدوا هذا مانفع معي ابي التحاليل :)


والف شكر لك والله يااستاذنا

نستفيد منك بكل حرف تكتبه ..

[عبدالرحمن الغريب]

العـزيز مخاوي الهــم

كلامك عــدل ولا هـنت

أقـرؤك السـلام أنت وأبا بــدر

=

[ساري المفعول]

هلا والله ابوأشرف

القصد ان بعده يهد الحيل

واني الى قابلته كواني بالصد والتغلي وكان ودي أقول كمثال على منهي تصد وتحيل بي على النار اللضيه

اما بالنسبه للدكتور فقد وصف لي الدواء ولم ينفع فعدت اليه أطلب منه التحاليل لأنه دواه ما نفعني

وكل الشكر لك يا بوأشرف وانت يا مخاوي الله يبيض وجيهكم وان شاء الله نطلع من المطناج الى السفلت

[عبدالرحمن الغريب]

يا بو بــــدر

الله يوفقك واحـنا حاضرين للطيبين

يا هــلا ألــــــــــف

=