وجيتك مثل عود له أيام مهموم..وده يلاقـــي بأخر الوقت تقديــر..

[مجروح ويكابر]

أفتح شبابيك الهوى جيتك اليوم..
بإحساس من زود الوله عده يطير..




جيتك مثل طفل له أيام محروم..
عن حضن أمه أبعدتــه المقاديـر..




وجيتك مثل عود له أيام مهموم..
وده يلاقـــي بأخر الوقت تقديــر..




وجيتك حضن عاشق وهايم ومغروم..
وده يضمك لين تصبح على خير..




متى تحس إن الهوى شي مقســـوم..
من قسمة الخالق على خلقه يصير..




ومتى تحس إني لك أطيح وأقــوم..
وأتعب على شانك وأقدرك وأغير..




لي في هواك أحلام وأمال وعلوم..
وأحزاب وأصحاب وقصيد وجماهير..




وهموم وأفكار وهواجيس وحلوم..
ودروب وأخطار وعذاب ومشاوير..




وحب وغلا وإخلاص ومعاند ولوم..
وإحسـاس وإلهـام وشعـور وتفاكيـر..




وصحبة سهـر ومقاطعة لذة النوم..
وأشـواق جياشه وعشـق وتعابيـر..




فـي ذمتـك مابـان لك شي مكتــوم..
من بعد ماصورت الأوضاع تصوير..



لاتحسب إنك شي عابر ومعدوم..
وتاريخ حبــــك فاق كل الأساطير..





كني لقيتك ........وكني قريتـــك..



في كل شـي أتخيلك وأسمعك دوم..
وأتأملك في الوقت الأول والآخير..





سلامتكمــ.,.

م ن

[الـمـهـاجـر]

قصيدة رائعة , لك مني اجمل تحية

[المـشتاق]

والف سلامه لكـ

قصيده في غايه الروعه

[مجروح ويكابر]

قصيدة رائعة , لك مني اجمل تحية

تسلم لي يالمهاجر

[مجروح ويكابر]

والف سلامه لكـ

قصيده في غايه الروعه
الله يسلمك دايما منور يالمشتاق

[لـــمـــ سة حــــ نان]

جيتك مثل طفل له أيام محروم..
عن حضن أمه أبعدتــه المقاديـر..



عبارات تلامس الاحساس

يعطيك العافية اخي مجروح ويكابر

[الرمش]

قصيده جميله ....لك مني أجمل تحية