المساعد الشخصي الرقمي

مشاهدة النسخة كاملة : أعجبتني فقراءها


فتى النهارش
09-26-2005, 03:06 PM
الطيب فرصه والجمايل توافيق

ومن لا توفق ماكتب له جماله



ومن لارقى للطيب روس الشواهيق

مازان له وقته على ما بداله



وما دام لفعول الجمايل عشاشيق

كسب الجمايل ما يجي بالسهاله



ولوأنّها تشرب مع فكّة الريق

كل خذا له كل ما أ صبح بياله



والطيب منوه للقلوب المشافيق

كل ٍ يتوق ومنوته رأس ماله



والمدح مايزهى على الرجل ويليق

الاّ لا صارت وافيات ٍ خصاله



يستاهله رجلٍ يفك المزانيق

اللي يقال ونعم لا جا مجاله



ومن ساقته نفسه وهو مابعد سيق

لأجل الجميل يزيّن الله فاله



والمرجله ماهي بتحتاج تنسيق

من بين قلب اللي عشقها وباله



ومن عادة الدنيا تخون المواثيق

تفترّ مكرتها سواة المحاله



ولو لا اللوازم ماعرفنا المخاليق

مانعرف الرجال لين انعناله



والكفؤ تظهر فزعته حزة الضيق

وينشاف في الشدة بعين العداله



نسل الرجال متعّبين الملاحيق

متوسط من بين عمه وخاله



واللي يطيق ولابغى قال ماأطيق

تحرم عليه المرجله والشكاله



والهيّنه تكبر على اللاش والهيق

له في الرخاء قاله وفي الضيق قاله



والطيب شاره والضماير صناديق

واللاش طيبه ما تعدى ظلاله



وانا اسبر قلوب الرجال المغاليق

والصامت اقطع غايته من مقاله



ومادام في الدنيا رجال ومطاليق

نصيتهم واللاش مالي وماله






وسلامتكم

منقوله

المحــــــروم
09-26-2005, 03:53 PM
فتى النهارش ...

سلمت يمناك حبيبي

وصح لسان الشاعر ....

ووفعلا ً قصيده جميله ورائعه ...

مع تحياتي واشواقي
المحـــــــروم

«¤¶`جارالله`¶¤»
09-27-2005, 10:41 AM
والطيب منوه للقلوب المشافيق

كل ٍ يتوق ومنوته رأس ماله



والمدح مايزهى على الرجل ويليق

الاّ لا صارت وافيات ٍ خصاله



يستاهله رجلٍ يفك المزانيق

اللي يقال ونعم لا جا مجاله



ومن ساقته نفسه وهو مابعد سيق

لأجل الجميل يزيّن الله فاله



والمرجله ماهي بتحتاج تنسيق

من بين قلب اللي عشقها وباله

العزيز

فتى النهارش

قصيده جزله

ورائعه

وأكثر من رائعه

صح لسان الشاعر

ولا هنت على النقل الموفق

تقبل تحياتي واحترامي

الفضي99
09-27-2005, 10:51 AM
فتى النهارش

سلمت يمناك على النقل الرائع والله يعطيك العافيه كلمات رائعة وجزى الله خير الشاعر خير الجزاء .

فتى النهارش
09-27-2005, 12:00 PM
يلوموني في مدحكم الحاسدين وانتم للشعر ذواقين
المحروم والفضي وجار الله للقوافقي وازنين

رهاف الحس بالسمع وبالتبصر للشعر فاهمين
ودي ابارك لكم بالشهرعلكم من الصايمن القائمين ـ

شكرا ولكم كل التقدير ورمضان مبارك أن شاء الله

ثبرالطرقىالوجاج
10-31-2005, 02:50 PM
صح السانك يابو الجمايل والله يعافيك
واتمنى من اداره المنتدى بترشيحك \مشرف \اومراقب هم المستفيدين علي مجهودك الطيب

حب العيون
11-01-2005, 05:36 AM
الله الله
ياسلام شكرا اخي فتى النهارش

دلوعة الشرقيه
11-13-2005, 12:31 AM
تحياتي لك اخي فتى النهارش

سلمت يمناك على النقل الرائع والله يعطيك العافيه كلمات رائعة وجميله جدا

وجزاك الله خير على نشرها

فتى النهارش
11-13-2005, 01:16 PM
شكرا" على أطرأكم وعلى مروركم

العميد
11-22-2005, 10:21 PM
وما دام لفعول الجمايل عشاشيق

كسب الجمايل ما يجي بالسهاله

ولوأنّها تشرب مع فكّة الريق

كل خذا له كل ما أ صبح بياله


جميل جميل جدا" جدا" أضم صوتي الى ثبرالطرقىالوجاج

صح السانك يابو الجمايل والله يعافيك
واتمنى من اداره المنتدى بترشيحك \مشرف \اومراقب هم المستفيدين علي مجهودك الطيب