جـمـاهـير الـشـمـس ((بـمـديـنة العـيـون) لا لـجـريـدة الـريـاضـي!!)

[كلي نصر]

كيفكم ياعالميين..

مبروك المستويات الحلوه اللي قاعد يقدمها نصرنا الغالي وان شاء الله يتوجها ببطولتين او ثلاث ويفرح قلوبنا مثل مافرحها العام بكاس فيصل بن فهد..


ندخل بالموضوع ..طبعا شعبية العالمي بالعيون جارفه ومحد يجهلها .حتى منتدى النصر تكلم عن جماهير النصر بالعيون وانهم كثير ومجانين..وانا اعرف كذا شخص من خارج العيون ومن الرياض بالتحديد يقولون :ودنا نشوف افراح العيون لاخذ النصر بطوله على الطبيعه !!

المهم اللي خلاني اقول هالمقدمه مدى تاثير جماهير الشمس وقوتها وكلمتها ..فالارتي يوم اخطات على النصر وتعدت حدودها وحاولت الاساءه له قامت جماهير الشمس بمقاطعتهم والغو اشتراكهم واكتفو الدريم بوكس ..

والنتيجه من مقاطعتنا لهم انهم سوو شراكه مع ابو ظبي الرياضيه ..حتى الجزيره كانو بيشاركونهم بعشرة ملايين فقط تصور عشرة ملايين بس ...وكله من جمهور العالمي ..بس سلطان بن فهد رفض الشراكه مع الجزيره والاسباب معروفه!!

يعني بسببنا اعلنو افلاسهم وقامو يتصاقعون ويطرون القنوات الثانيه علشان يشاركونهم ويعوضون الخسائر الفادحه اللي كبدهم اياها جماهير الشمس ..

والحين الدور جاء على جريدة الرياضي ..كلكم تتذكرون هدف محمد نور الغير اخلاقي..وردة فعل جماهير الشمس وغضبها من هدف نور..فالرياضي من بعد هالهدف بانت حقيقتها وانكشف زيف التوامه اللي يدعونها وصارو يسبون النصر وسعد الحارثي ..باالرغم ان جماهير النصر هي السبب باستمرارها..ولولا جماهير الشمس لاعلنت افلاسها من اول شهر من صدورها!!

كتاب النصر اللي يكتبون فيها عطوهم سيفون نيجيري قوي ..مثل عادل الملحم ومحمد الدويش اللي رجعوه الاسبوع اللي راح بعد حب خشوم وترجي .!!

قالمقاطعه نجحت بالرياض بنسبة 100% واعلن مسؤول الجريده والعاملين اللي يبيعونهبالبقالاتا استنكارهم الشديد من قلة الاقبال عليها..يعني العاده من بعد الظهر ماتحصلها وان حصلت باالموت ..اما الحين والله العظيم ان المسئول ابلش بالرجيع وقررو تقليل عدد الطبعات وكله منكم ياجماهير الشمس!!


المقاطعه بالرياض نجحت..وبالدمام نجحت..وبالقصيم نجحت..والجوف نجحت واغلب مناظق المملكه قاطعوا..

فهمتكم ياجماهير العالمي بالعيون فلنقاطع كلنا واخبار العالمي اذا بغيناها نلقاها بشبكة العالمي كلوب ولا كلها رساله ..ارسل 1 الى 5599 وتجيك اخبار العالمي اول باول راس مالها 12 ريال شهريا!!

المهم لازم نقاطع تكفون وخلونا نعلمهم حجمهم وقدرهم ..وانهم بدون جماهير الشمس يبيعون زمزم عادتهم..

اللي يقرا الموضوع يقول لخوياه اللي مالهم بالنت ويبلغهم بالمقاطعه الفوريه وللنصر رجال وانتو من رجال النصر ..


ملاحظه: اشكر اخوي الغالي(كلي نصر) لسماحه بالكتابه بمعرفه ..وارجو اني ماثقلت عليك يالغالي ولا ثقلت على الاخوان وان شاء الله نشوف نتيجة المقاطعه قريب بالعيون..

اخـــــــــوكـــــم : عـاشـق الـنصـر الـمـجـنـون