ش ـقـآآوي
10-16-2008, 01:30 PM
البارحـه قامـت افكـاري تناوبنـي
من هاجسٍ بالضمايـر قـام يجذبهـا
بيبان الاشعار لامن ضقـت تندبنـي
اكتب بعضها وبعض حروف مكتبهـا
ياراشد الوقت يا مشكـاي مرّعبنـي
احسب الايام واغضي عن مصايبهـا
أضيق من هاجـسٍ دايـم مصاحبنـي
سـود اليالـي تجرحنـي عقاربـهـا
لو اشـرح الوضـع يمكنـك تكذبنـي
بعض السوالف تحير فكـر صاحبهـا
أسمع هروجٍ بعضهـا مـا يناسبنـي
واقفيت عن كـل مخطيهـا وصايبهـا
ياخوي بعض الهروج العوج تغضبني
النـاس مـا تتركـك لـوّك مجنبهـا
الحاقـد اللـي بليّـا ذنـب حاربنـي
ادري بنـاره ولـو يخفـي لهايبهـا
يمدحني ان جيت وإن قفيت عذربنـي
بعض البشر مهنتـه يوقـد حرايبهـا
أهـدي النفـس لجـل انـه يجنبنـي
أخـاف لا طالـت السيـره نخربهـا
ماهو صحيبي ولا ارضى انه يصاحبني
النفس عن مثلـه ارفعهـا واهذبهـا
اخاف من رفقـت الخايـب تخيبنـي
أحسب امورٍ بعضهـم مـا يحسبهـا
رفقة هل المعرفه والطيـب تعجبنـي
وليا جهلت الامـور إنشـد مجربهـا
صديقي اللـي ليـا زليـت عاتبنـي
وليا حفظلي سريـره مـا يهرجبهـا
هذاك بالطيـب والمعـروف يكسبنـي
وانا سناده ليـا مـن حـل واجبهـا
ياراشد أصلي عن المهيـاف ينتبنـي
بعض المواضيع مالي فـي طلايبهـا
صبري على اللي جرحني ما يعذربني
تحشم حثال العرب من شـان طيبهـا
والله يلـولا الحيـا والحلـم قاظبنـي
اني افضح السالفه واذكـر سبايبهـا
لاشك ابصبر ولـو الصبـر متعبنـي
نفسن بلا صبر مـا توفـي طلايبهـا
أبديت واخفيت عنك أشْينْ تشاغبنـي
والله عليـمٍ بحاضـرهـا وغايبـهـا
للشاعر . سعود الفهد المطيري
من هاجسٍ بالضمايـر قـام يجذبهـا
بيبان الاشعار لامن ضقـت تندبنـي
اكتب بعضها وبعض حروف مكتبهـا
ياراشد الوقت يا مشكـاي مرّعبنـي
احسب الايام واغضي عن مصايبهـا
أضيق من هاجـسٍ دايـم مصاحبنـي
سـود اليالـي تجرحنـي عقاربـهـا
لو اشـرح الوضـع يمكنـك تكذبنـي
بعض السوالف تحير فكـر صاحبهـا
أسمع هروجٍ بعضهـا مـا يناسبنـي
واقفيت عن كـل مخطيهـا وصايبهـا
ياخوي بعض الهروج العوج تغضبني
النـاس مـا تتركـك لـوّك مجنبهـا
الحاقـد اللـي بليّـا ذنـب حاربنـي
ادري بنـاره ولـو يخفـي لهايبهـا
يمدحني ان جيت وإن قفيت عذربنـي
بعض البشر مهنتـه يوقـد حرايبهـا
أهـدي النفـس لجـل انـه يجنبنـي
أخـاف لا طالـت السيـره نخربهـا
ماهو صحيبي ولا ارضى انه يصاحبني
النفس عن مثلـه ارفعهـا واهذبهـا
اخاف من رفقـت الخايـب تخيبنـي
أحسب امورٍ بعضهـم مـا يحسبهـا
رفقة هل المعرفه والطيـب تعجبنـي
وليا جهلت الامـور إنشـد مجربهـا
صديقي اللـي ليـا زليـت عاتبنـي
وليا حفظلي سريـره مـا يهرجبهـا
هذاك بالطيـب والمعـروف يكسبنـي
وانا سناده ليـا مـن حـل واجبهـا
ياراشد أصلي عن المهيـاف ينتبنـي
بعض المواضيع مالي فـي طلايبهـا
صبري على اللي جرحني ما يعذربني
تحشم حثال العرب من شـان طيبهـا
والله يلـولا الحيـا والحلـم قاظبنـي
اني افضح السالفه واذكـر سبايبهـا
لاشك ابصبر ولـو الصبـر متعبنـي
نفسن بلا صبر مـا توفـي طلايبهـا
أبديت واخفيت عنك أشْينْ تشاغبنـي
والله عليـمٍ بحاضـرهـا وغايبـهـا
للشاعر . سعود الفهد المطيري