ياصاحبي

[صدى المرقاب]

السلام عليكم ورحمه الله وبركاته امابعد
استاذي القدير ابو اشرف صبحت بالخير . هذه القصيده التي وعدتك بها وهي على البحر المسحوب . انتظر نقدك فيها(الله لايهينك)










ياصاحبي اسمع كلام اللبابي
الي ينظم من خفوقه قناعه

الهم مثل الجرح لابد يطابي
لو زاد طوله والازاد اتساعه


لابد طيفه ينتزع من رقابي
واعيش انا مع الوناسه بساعه

تهبى همومي لودعتني دولابي
تخزن اللي منها صارت شباعه

وتهبى همومي لو لهتني صحابي
اللي عليهم سال قلبي دماعه

عندي دواها في حضوري وغيابي
حرآبها بأيات ربي في شجاعه

اقرأ ورتل من سموعي ماطابي
آيات باللي له حنا مطاعه

ياهيه ياللي صار عذرك كذابي
من همك الي مايريد انقطاعه

اربع سنين ونا عليك ياعذابي
اصبر لو ان الصبر فيني مناعه

على التسامح كني طفل(ن) يدابي
راضيته يوم شاف ذيك الرضاعه

كلي ماقلت همي اجيك مجابي
اجلس معك والنور يذهب شعاعه

من طيب اصلي اعذرك وانت نابي
تجعل من همك في وصالي قطاعه

قطعت أمالي يوم اشوفك حرابي
في غربتي يوم الامل طاح شراعه

كنت انتظر سوالك يجي رحابي
ويسال على قلب(ن) زاد فيه ضجاعه

حسبي عليك كاني غديتك قرابي
خيبت ظني كيف جبت هالبشاعه

مادام قلبك فيني ماعاد طلابي
ودعتك الله وشوف غيري نفاعه

خلاص مالي في وصالك رغابي
عفت الصداقه وروحي منها شباعه


وسلامتكم

[مزيون الشرقية]

...لطالما أبهرني قلمكـ وأبداعكـ ...

...فقد رسمت لنفسكـ و أسلوبكـ المميز والمبهر ...

...وتألقت وأبدعت بطرحكـ الراقي والمميز ...

...باركـ الله لنا هذا القلم المبهر ...

...لاحرمنا من عطائكـ وجديدكـ ...
×

[صدى المرقاب]

انتظرك يا بو اشرف على احر من الجمر فلا تتاخر علينا الله لا يهينك

[عبدالرحمن الغريب]

عزيزنا صـــدى المــــــــرقاب :

يا حياك الله يالحبيب .

شـف يالغالي : أنا قريت شعرك اللي كتبته وأقول لك كما قلت لك من ناحية الوزن تراك قريب لكن

الكلمات التي تحتها خـط ما يصـلح استخدامها في الشعـر هكذا و حتى في الكلام العادي ، وانا حاولت

أعـدل بعض الكلمات وبعض الأشطر . . ما عليه لا تؤاخذني يالحبيب ترى القصـيدة أخذت مني وقت

طويل لكن هذا اللي طلع بيدي .

وأقــول لا تيأس طبق اللي قلت لك في الرد السابق واللي قبله ( اقرأ من الشعر كثيرا ً واسمع كثيرا ً

واحفظ كثيرا ً )

تراني من قبل سمعت وقريت وحفظت ولا زلت أسمع وأقرأ وأحفظ الكلام الطيب والزين من الشعراء ولو

كانوا أصـغر مني .

وانا معـك دائما ً .
------------------------------------

ياصاحبي اسمع كلام اللبابي
الي ينظم من خفوقه قناعه

الهم مثل الجرح لابد يطابي
لو زاد طوله والازاد اتساعه


لابد طيفه ينتزع من رقابي
واعيش انا مع الوناسه بساعه

تهبى همومي لودعتني دولابي
تخزن اللي منها صارت شباعه

وتهبى همومي لو (لهت عن) صحابي
اللي عليهم سال قلبي دماعه

عندي دواها في حضوري وغيابي
حرآبها بأيات ربي في شجاعه

اقرأ ورتل من سموعي ماطابي
آيات باللي له حنا مطاعه ( آيات رب ٍ عابدينه بطاعـة)

ياهيه ياللي صار عذرك كذابي
من همك الي مايريد انقطاعه

اربع سنين ونا ( معك ) ياعذابي
اصبر لو ان الصبر فيني مناعه

على التسامح كني طفل(ن) يدابي ( أسامحك كني صـغير ٍ يدابي)
راضيته يوم شاف ذيك الرضاعه ( يرضى ليا من شاف زين الرضاعة)

كلي ماقلت همي اجيك مجابي
اجلس معك والنور يذهب شعاعه

من طيب اصلي اعذرك وانت نابي
تجعل من همك في وصالي قطاعه ( تحط من همك لوصلي قطاعة)

قطعت أمالي يوم اشوفك حرابي
في غربتي يوم الامل طاح شراعه ( في غربتي طاح الأمل مع شراعة)

كنت انتظر سوالك يجي رحابي
ويسال على قلب(ن) زاد فيه ضجاعه ( يسال على قلب ٍ تزايد اوجاعه)

حسبي عليك ( انا ) غديتك قرابي
خيبت ظني فيك وش )هالبشاعه

مادام قلبك فيني ماعاد طلابي
ودعتك الله ( شوف )غيري نفاعه

خلاص مالي في وصالك رغابي
روحي من الصدقة تراها شباعه
==

[صدى المرقاب]

السلام عليكم ورحمه الله وبركاته اما بعد
ابوي القدير ابو اشرف نقدك ونصيحتك على العين والراس . ولا تخاف انا انسان لا يعرف الياس ابدا ولا يفتح له مجال..واحب اضيف ان بصراحه قليل القراءه وقليل الحفظ ولكن استمع كثير لكن بدون تمعن جيد من ناحيه كلمات الشعر
..لكن اوعدك اني راح اعمل واحفظ واقرأ كثيرا... ولاهنت يااستاذي العزيز عالوقفه الطيبه معي وم اخواني الشعراء المبتدئين والمبدعين

[هلالي ماركة]

شكرا

[عبدالرحمن الغريب]

حــــاضـــرين للطــــــيبين