[ ومن يمرضه خله ترى البعد طبه ]

[فزآع بن كروز]

السلام عليكم ورحمة الله وبركاته


مسيت بالخير استاذي العزيز


الله لايهينك ابي اعرض عليك هالقصيدة وابي نقدك

حولها من كل النواحي



أقول فيهــا



اذا طفى شوق القلوب كيف شبه
عطني حلولك كان لك فيه خبرة

من يسلك دروب الغلا جاته هبه
هبه تشيل الحب من أصل جذره

ومن لايقدر خله مقدار حبه
ياجب عليه انه يعجل في هجره

ومن يمرضه خله ترى البعد طبه
ياطى على قلبه ويسلم بقدره

هذا كلامي وجيت أنوه وأنبه
للي غلاه بداخلي قل شبره

نضيع في المحبة لولا مطبة
توحي لنا وتقول [ للموت سكرة]

ماضاع راع الحب لاراعى ربه
ينسى عشاشيقه ليا حل ذكره


وسلااامتكمـ

[عديل الروح]

قصيده جميله

ورائعه اخوي

صح السانك


ونشوووف استآذنآ وش يقول فيهأ

:)

[عبدالرحمن الغريب]

الأخ فزاع بن كروز :

أولا ً أشكرك أن جغلتني أهلا ً للثقة .

ثانيا ً : قرات الأبيات التي كتبتها فأحسست أنها صدرت من نبع شاعر

[عبدالرحمن الغريب]

الأخ فزاع بن كروز :

أولا ً أشكرك أن جعلتني أهلا ً للثقة .

ثانيا ً : قرات الأبيات التي كتبتها فأحسست أنها نبع صـدر

من بحيرة شعر . . . أقــول تراك ماانت بعيد

وإليك ملاحظتي على الأبيات :

1- 1 - بدل كلمة القلوب بـ ( الحـشـا)
2- صــح

2-1- بدل كلمة جاته بـ ( شــاف )
2- صــح

3-1- بدل كلمة خله بـ ( عـطه )
2- يكون الشطر هكذا افضل : لاتـْزيد في قدره وعجل بهجره

4-1- كلمة ( من يمرضـه ) غير واضحة المعنى
2- صــح

5-1- احذف حرف الواو من كلمة وجيت ، وكذلك ألف الهمزة من

كلمة وأنبه
2- صــح

6-1- أضـف حـرف الواو قبل لو .
2- صــح

7-1- بدل كلمة لا راعى بـ ( لا ذكر )
2- صـــــح . . . صــح لســانك

حـاضـرين للطيبين . . تقبل ســـــلامي
==

[فزآع بن كروز]

اول شي الله لايهينك استاذي العزيز

على هالملاحظات اللي سوف أضع تحتها خطين ان شاء الله

لكن ماقلت لي عن الوزن ....

هل هو مضبوط أو لا؟؟



بالنسبة للمعاني

القلوب ..أشوفها مناسبة جدا .. لان القلوب هي اللي تشتاق
مو الحشى ..لما اقول لشخص قلبي مشتاق لك ..والهاء في طبه
تعود الى شوق القلوب وليس القلوب ..


بالنسبة لكلمة ( أنبه ) ... الكلمة آتية من المصدر ( تنبيه)
لما أشيل الالف كما اسلفت ..اختل معنى الكلمة ..


بالنسبة ل ( من يمرضه خله ترى البعد طبه)

يعني اذا اتعبك المحبوب او الحبيبة وجاب لك المرض بالصد

او التغلي فالبعد هو طب هذا الغلا وعلاجه

البيت واضح انا افداك


أنا حبيت استفسر

التعديلات اللي ذكرتها للمعنى ام للوزن .



شي آخر


انا القلوب الساهيه اللي في منتدى العيون

وهذي اول قصيدة لي في الوزن ... وحبيت اعرضها عليك استاذي

ولحنتها وطلعت معي اوكي ..بس حبيت أتاكد زود واقطع الشك باليقين

[عبدالرحمن الغريب]

يا مرحبتين اكبار يا فـــزاع بن كــروز :

- أما من ناحية الوزن أنا قلت لك تراك قررررريب .

- ملاحظاتي كلها على شان الوزن .

- بالنسبة لكلمة القلوب أولا ً : فهي ثقيلة على الوزن .

ثانيا ً : إذا قلت الحشا أنسب للوزن ولا يختلف المعنى سواء تعني الشوق أو الحشا .

- بالنسبة لكلمة أنبه . . حذف الألف المهموز أنسب للوزن ولا يختلف المعنى بالنسبة للسامع فألف الوصل تظهر مع

النطق .

- يفداك اللاش . . بالنسبة لكلمة ( من يمرضـه 000000000000000 ) خلاص أنت الصــح . . مــــــــــوافق .

حااااااااااضـرين للطيبين .
==

[فزآع بن كروز]

الله لايهينك يااستاذنا

يعني ماعدى هالملاحظتين ..القصيدة موزونة؟؟؟

[عبدالرحمن الغريب]

عزيزي فـــــــــــــزاع

اكتب القصيدة بعد التعديل خلني أشوفها ، يمكن فيها شيء ما انتبهنا له ، واحتفظ فيها واحذف المسودة .

ويا هـلا وغــلا

==