المساعد الشخصي الرقمي

مشاهدة النسخة كاملة : ,,,رصـــــاصة الــــــرحمة,,,,


السندباد
07-14-2005, 06:27 AM
اذا لك شف في شوفـي .. ترانـي
على شوفتك .. صحيـت الأمانـي
زرعت الشـوق كلـه بأنتظـارك
و أخذت الأنتظار .. و جيت عاني
نسيت الناس لكن .. مـا نسيتـك
عجزت أنساك حتـى لـو ثوانـي
مليت الكون .. و أشغلت الجوارح
نظر عيني .. سماع أذني .. لساني
عطيتك شيء ما هو عنـد غيـرك
و لا قصـرت .. لكنـك أنـانـي
انـا أحبـك .. و اذا ودك تـأكـد
شف الله كيف بيدينـك هدانـي ؟
غيابك صعب و الأصعب وجـودك
و انا فالحالتيـن أتعـب و أعانـي
حبيبـي لا تواخذنـي .. و لكـن
أبيك تحـط نفسـك فـي مكانـي
اذا جيتـك و انـا مشتـاق تقفـي
تجاهلنـي و كنّـك مـا تـرانـي
و اذا صديت عنك و قلت أبرحـل
وقف قلبك على البـاب و دعانـي
و لو سويت نفسـي مـا اشوفـك
يميل القلـب صوبـك و يحدانـي
أنا يا ابن الحلال أصعـب حكايـه
كتبني الوقت .. لكن مـا قرانـي
مضى عمري و تقـدر تعتبرنـي
غريب .. و في زمن ماهو زماني
زماني راح مع نصفي .. و نصفي
نسى نفسه مع الوقـت و نسانـي
أسافر حزن .. و الصحبـه ثلاثـه
أنا .. و الصبر .. و سهيل اليماني
و اذا مريـت فـبـلاد الطفـولـه
فتحت الصدر للحـزن و طوانـي
هنا .. دمعه جرت من عين جاهل
هنا .. لاقيـت همـي و التقانـي
هنا .. باعتنـي الديـره و أهلهـا
هنا .. ضحيت لفـلان و جفانـي
هنا .. حاولت أصيح و ما سمعني
سوى بعض الشـوارع و المبانـي
انـا يـا سيـدي .. دقـه قديمـه
بغيت أخذ من الوقت .. و خذانـي
على الأنقاض واقـف دون حيلـه
أشوفـك وجهتـي بيـن الموانـي
تعاال .. و طفّ بيدينـك حنينـي
تملكني .. و أنا أشعل لك حنانـي
تعال .. و ضمني يا تـاج قلبـي
دخيلـك لا تخلينـي .. عشـانـي
انا شاعـر عيونـك يـا حبيبـي
مع التحريف في بعـض المعانـي
( و ما نيـل المطالـب بالتمنـي
و لكـن شوفتـك كـل الأمانـي )
محبة صـادق النيـه .. قصايـد
و محبة ساقـط النيـه .. أغانـي
قسـم بالله لـو مـوتـي بـيـدك
و أموت الفين مره .. مـا كفانـي
و أذا باقي من الطلقـات .. طلقـه
دخيلك .. حطهـا بيـن المحانـي
للشاعر : عــبـــد الله ذويــبـــان

AL2o0y0u5n
07-14-2005, 01:27 PM
ناوي تصير شاعر يا السندباد


اشكرك على القصيدة

السندباد
07-14-2005, 10:43 PM
خخخخخخخخخخخخ

ومن فينا ما يحب الشعر يالعيـ2005ـون

وووووووووووووربي يعافيك

الفضي99
07-14-2005, 11:02 PM
كلمات رائعة السندباد يعطيك العافيه على النقل واختيار القصيدة .

السندباد
07-14-2005, 11:33 PM
ألف شكر لك يالفضي عالطله الحلوه