يامديري

[صدى المرقاب]

السلام عليكم ورحمه الله وبركاته امابعد

ابوي واستاذي/عبدالرحمن الغريب اسعد الله صباحك بكل خير .وبعد التحيه احب اشكرك على جهودك المبذوله تجاه الشعراء المبتدئين والوقوف بجانبهم مهما حصل منهم من اخطاء شعريه.ماحب اطيل عليك اليوم كتبت قصيده وانتظر منك النقد فيها بكل مافيها.فانت المدرسه العظيمه بعد مدرسه الكويتي التي تقدم النصح والارشاد للشعراء. لعل اختم كلامي بالقصيده التي اقدمهااليك


اقول فيها


يامديري ياعلي بالله منك سكليف
ودي اروح لاهلي بالله حس فحالي

في شقتي لحالي لاخليل ولاسويف
ماغير انا وهمي ويا رزة ادلالي

الجماعة روحوا وانا عليهم كفيف
مارايت ولا رايت سوى هاجس ليالي

من فراقهم انا كني رحيل الخريف
يوم عزل بروحه سال دمعه همالي

تجتاحني الهموم في ليلي يابوخليف
كن الهموم اليومي غدت فيني عذالي

والظروف الصعيبه خلت عقلي خفيف
كني كريزي مشى دون عقله هبالي

انشد عن ظرفي انا هداف والا غديف
يمكن يقرا في عيوني كل امرن هو لالي

امشي ياعلي كني بالحارة طايف طويف
ماغير اطوف حارتن فيها كلبن ريبالي

يبي ياعلي مني اجلس معه فالرصيف
ويعرض علي حرامن لا ماهو في حلالي

لولا كمال ديني كان انا رحت جريف
لكن ربك ستر حامني من رذالي

واليوم انا طالبك ثم طالبك يالطيف
تلطف على جاشن عاشر الغربه ليالي

الاهل بانتظاري والمبنى شوفه كسيف
تعال وشوف ساسه كيف هوميالي

حالته لو شفتها تضرب كفك على كيف
وتقول لي كيف عشت في هذا ياهبالي

والسلام ثم الصلاه على الهادي والشريف
محمد عدد نجمن سرى في سما عالي



وسلاااااااااااااااااااااااااااامتكم



ابنك/صدى المرقاب

[عبدالرحمن الغريب]

أخي العزيز صــدى المرقاب :

يا هلا بك وغلا وأنا حاضر في كل وقت لأني على ظنك ودي في كل

بيت شاعر في بلدنا العيون لأنه عز لنا جميعا ً.

وانت غالي والطلب بيدي . .

شفت اللي كتبته ومبداك طيب بس عندك اختلاف في الوزن . . وان

شالله اشوفها وأبين لك بعد ما أختار أحدألأشطر الموزونة منها

وزين باقي الأبيات علي وزنه لا تستعجل .
=

[صدى المرقاب]

طيب انا بانتظارك ولاهنت يااستاذي العزيز

[عبدالرحمن الغريب]

عزيزي صـدى المرقـــــــاب :

السلام عليك وعلى الطيبين .

اخترت لك من أبياتك هذا الشطر :

(( تجتاحني الهموم ابليل يا بو خليف )) وسأضبط لك جميع

الأشطر في القصيدة على لحنه وبحره .


بالله انا ياعلي يامْدير منـّك كليف=ودي اروّح لأهلي عاد شوف الحوال
في شقتي قاعـد الحالي ولا لي وصيف=ما غير انا والهموم ورزة ٍ للدلال
كل الربع روّحوا ونا عليهم كفيف=ما غير انا والهموم وْهاجسي في الليال
كني من افراقهم عني رحيل الخريف=عزّل بروحه وسال الدمع منـّه همـَال
تجتاحني الهموم ابليل يا بو خليف=حتى غدت كنها دايم عليـّه عـذال
ومْن الظروف الصعـيبة صار عـقلي خفيف=كني كريزي وهو يمشي بعـقله اهبال
انشد عن الظرف انا هداف ولا ّ غديف=تقرا عيوني وفيها كل أمر ٍ هو لال
أمشي أنا يا علي كني بالحارة طويف=ما غير اطوّف ابحارةْ فيها كلب ٍ ريبال
يبغيني اجلس معه ياعلي فوق الرصيف=يعـرض علي الحرام وْماهو لي بالحلال
لولا الحيا ثم ديني كان رحت بامره جريف=والله سترمنه ما طبـّيت بالارتذال
واليوم اناطالبك ثم طالبك يا لطيف=تلطف بمن عاشرالغربة بعمره ليال
مبعـد عن الاهل والمبنى تشوفه كسيف=الساس منهار والمبنى عليه الميال
حالتـْه لو شفتهاتقول ذاالحال كيف=وتـْقول لي كيف ذا وليْه وش ذا الهبال
ثم الصلاة الشريفة للنبي الشريف=اعداد نجم ٍزهى واعـداد حب الرمال . انتهت

عاد شف اختر لك لحـن وجر عليه الأبيات وإذا ما لقيت لك

تراني حاضر إذا شـفتني قل لي وأقول لك اللحن المناسب .

وســــــــــلالالامتكم .

=

ملاحظة :

تراني راعـيت الوزن قدر الإمكان ، مع وجود بعض الكلمات

معناها غير واضح وخليتها على معناها وغيرت بعضها.

مثل : سكليف ، سويف ، غديف ، هو لالي ، ريبالي ، طويف ، جريف

فمان الله

[صدى المرقاب]

مشكور اساذي العزيز على وقوفك بجانبي .ولكن انا سبق وناالتقيت معك بقصيده مكسوره مني وقلت لي اضبط وزن القصيده بلحن معين يعجبك .واليوم اتيت لك بقصيدتي هذه قبل التعديل منك وجريتها على طاروق (ناقتي ياناقتي) فهل سبب كسر القصيده هو تغير اللحن بيني وبينك... افدني كثير يابواشرف مالنا الا الله ثم انت

[عبدالرحمن الغريب]

يا هـلا وألف غـلا بك يا صــدى المـرقــاب :

أولا ً قصيدة الفراعنة على بحـر ( المنكوس ) .

ثانيا ً : الفراعنة غناها على لحن معين فهو يمد الحرف أو

يقصر فيه وهو متأكد من البحر وهذا هو الذي أوجد لديك

اختلال الوزن لأنك بنيت على اللحن ولم تبن على البحـر وهذا

مما يربك المبتدئ أحيانا ًوحتى الشاعر .

ثالثا ً : أنا بسهل عليك . . أبيك تكتب بيتين أو ثلاثة - لا

تطول - على لحن ( يا جـر قلبي جـر لادنى الغصوني ) وهذا

البحـر يسمى ( المسحوب ) . . . يالله بانتظارك .

==

[صدى المرقاب]

هلابك يااستاذي وابوي عبدالرحمن الغريب . شكرا على الملا حظه والنقد البناء

وان شاء الله راح اكتب على البحر المسحوب . وانزل اللي كتبته في موضوعي هذا. الف شكر لك وتحملنا عاد الله لا يهينك

[صدى المرقاب]

السلام عليكم ورحمه الله وبركاته
مسيت بالخير استاذي العزيز عبدالرحمن الغريب . على طلبك في كتابه ثلاث ابيات على البحر السحوب . انا بعطيك ثلاث ابيات من قصيده كامله. وانتظر منك النقد فيها . وهل انا اجدت هذا البحر والا.


ياصاحبي اسمع كلام اللبابي
الي ينظم من خفوقه قناعه

الهم مثل الجرح لابد يطابي
لو زاد طوله والا زاد اتساعه

لابد طيفه ينتزع من رقابي
واعيش انا مع الوناسه ساعه

[البحري 5]

صح السانك

[صدى المرقاب]

انا بانتظارك يابو اشرف

[عبدالرحمن الغريب]

أهـلين وســهلين ياصــدى المــرقــــاب :

جميل جميل جميل . . عندك شيء بسـييييييييييط .

- كلمة (الوناسة) أما تقول ( الوناسات ) أو تضع حرف (ب)

قبل كلمة ساعة .

- كلمة ( ينظم) يلزمك حركة الشدة على حرف الظاء .

- كلمة ( يطابي ) ما أعرف معناها ، وإذا تقصـد يطيب فما

تصـلح .

بس هذا اللي عليك ما شالله عليك
==

[صدى المرقاب]

ابوي القدير عبدالرحمن الغريب لاهنت على ردك الجميل وبالنسبه لكلمه (ينظم) هي عليها شده ولكن لا اعرف كيف كتابتها من خلا ل الكبيوتر.... اما بالنسبه لاخطاء الباقي شكرا على تنبيهك عليهم والله لايهينك وجعلها الله في ميزان اعمالك..... وشرايك انزل القصيده الكامله من الابيات الثلاثه اللي كتبتهم وتعطيني رااااااايك فيها

[عبدالرحمن الغريب]

العزيز صـــدى المــرقــــاب ك

هات اللي عندك ونا حاضر لك ولشرواك لا تتكاثر .

- بس أبيك تحتفظ بالقصـيدة اللي عدلت أنا فيها على قصيدتك

الأولية وتقراها أكثر من مرة على شان يسهل عليك بحرها .

- وأبيك

تقرأالشعر وتستمع للشعراء وتحفظ كثييييييييييييرا ًكثيرا

لأن ذلك يولّد عندك ثروة لغوية ومعاني متنوعة وألوانا ً من

الألحان ، ولا تستعجل على كتابة القصـيدة ، ولا تتكاثر من

القراءة والحفظ .

وإذا كتبت شي هاته ولا يهمك أنا معك .

ً

[صدى المرقاب]

الله يجزاك خير ياستاذي القدير والله لوانك يمي قمت وحبيتك على راسك..... انتظر القصيده التي وعدتك بها فالقريب العاجل

[هلالي ماركة]

صحح لسانك

[عبدالرحمن الغريب]

حــــــــاضــــرين للطــــــــيـبـيـن