دمعة حزن
07-10-2005, 09:25 AM
[]الساعة تقترب من الرابعة والنصف مساء .. جرس الهاتف يرن.. مساء الخير ياأم صالح .. هلا وغلا ياأم حمد ...ها زوديني بآخر الأخبار .. جارة جارة صديقتنا أم سعود .... وش فيها بطيتي كبدي ... بنتها دلول تطلقت ..يكافي الشر ماصار لها شهر من تزوجت ... تعرفين السبب يقولون انها........ الله يستر علينا .. صدق بس اعرف انها بنت خلوقه ومؤدبه خافي الله عندك بنات ....اللهم إني صايمه ..كملي سوالفك ياأم حمد ..جويبر الحافي المنتف ..وش فيه ؟ تزوج على أم هشام وحده يقولون أنها قمر أربع طعش ..تقول للشمس قومي وأنا اقعد مكان أم هشام ... بس تستاهل متكبره ومغروره ووزيدك من الشعر بيت يقولون انها وسخة وبيتها كأنه سيارة البلدية اللي تشيل القاذورات في أخرالليل.... خافي الله أم حمد يقولون انها مرة مصلية وصوامة وقوامة وبيتها أنظف من بيتك الوسخ ... أم صالح تراك تعديتي حدودك لوماك صديقتي وحنا في شهر فضيل .. قولي ياجريدة اليوم شتسوين فيني .. كان ماكلمتك اللهم إني صايمه ... لاتفطريني أم صالح .. أمري ياعنود الصيد من لنا غيرك .. طرشي مع الشغالة مارية هريسة ولقيمات وثريد بناتي مايعرفون إلا الفطاير والكيك والبيتزا ومعكرونة بشاميل .. .. وانتي عارفه بوحمد مايحب البهانس ..وفيه سكر وظغط .. عمره خمسه وخمسين وأنا أصغر منه بعشرين سنه .. ياكذبك يام حمد يقولون أنه أصغر منك ... ..وش هالصوت.. سكتي صوت أذان المغرب ... سكري سكري نكمل السوالف بعد الفطور .. الله يستر من أبو حمد كان ما يعطيني ورقتي!]