أبو طلال
08-12-2008, 04:10 PM
كنت طالب
وهذا انت تخرجت
والآن أنت موظف
عشان كذا خلك معاي في الدقائق الجاية
دقائق بسيطة راح تنقذ لك مستقبلك وحياتك كلها
أخوي خذ مني هالنصائح وصدقني أنك بتربح إن سويتها
الشخص منا إذا إستقل بحياته وجد حياة ثانية غير إللي كان متعود عليها وقت ماكان طالب
دنيا جديدة وحياة أخرى
أنا الآن أركز فقط على حاجة وحدة فقط من ضمن الأمور الجديدة اللي ستحدث لك
أنها الأمور المالية
بس تتعين تجد أنك إمتلكت فلوس أكثر بكثييييير من اللي كنت تمتلكها حينما كنت طالب
الراتب < < < المبلغ الذي ستحصل عليه جراء عملك
القروض < < < مبالغ تحصل عليها من البنوك أو شركات القروض
بطاقات إئتمانية < < < بطاقات تحصل عليها من البنوك من شركات عاليمة كفيزا وماستر كارد
الآن ياخوان خلوكم معاي وصدقوني راح أفيدكم
وهذا بالطبع عشان مالقيت أحد يقول لي ويحذرني وقعت أنا في مشاكل كثيرة
آخرها سداد القرض وإلغاء البطائق الإئتمانية
الشاب منا إذا أخذ الراتب قام يبذره بأمور مالها داعي مطلقا
فيفقد راتبه قبل ينتهي الشهر
فيدور على مدخول آخر يسد العجز هذا
فما يلقى إلا بطائق الإئتمان
يروح البنك أو أنه يصدق الدعايات وياخذ بطاقه أو ثنتين
ويبدأ يصرف ويصرف ويصرف
ومع بداية توظيفة يبي يكشخ بسيارة
ويروح ياخذ له قرض من البنك ويشتري له سيارة
أو يسافر بالقرض
وهذا والله يصير ياشباب ومع هذا كله تضيع الفلوس وتبقى الديون
وأقعد سدد سنين وسنين وتروح حياتك كلها في التسديد
والله ثم والله أني طحت في هالأمور هذه كلها وتوني مخلص ديوني الله لايعيدها
ديون قضيت فيها عشر سنين تسديد في تسديد
والله ثم والله أول ماتعينت في الرياض
كنت أصرف الفلوس وصرف غبي طلعات وروحات وسفرات
وأخذت قرض وشريت سيارة وكنت أحتاج فلوس عشان أمشي نفسي فيه لآخر الشهر
أخذت فيزا وماستر كارد وكل هذا على ظهري أنا
أرتحت فيهم سنة وشقيت عليهم سنين واجد
والله ثم والله كان واحد من الهفوف معانا كان مايطلع ولا يصرف
ولا أخذ قرض ولا يدشر زينا
يروح دوامه ويرجع البيت ويتعشى عشاء بسيط
واحنا نفلها من مطعم للثاني
جمع فلوس من راتبه لأنه ماكان يصرف
واحنا نتسلف عشان نكمل الشهر
يوم جاء الجد وبغينا نتزوج
كلنا توهقنا لأنه ماعندنا شي
أخذنا قرض ثاني على الأولي عشان العرس
وذاك ماشاء الله عليه تزوج وطلع الفلوس اللي كان يجمعها
وصرفها في شي سنع مو زينا كنا نصرفها على غير سنع
المقصد من هذا كله ياخواني
تعينت وأخذت الراتب
* لاتصرفه وضيق على نفسك وأنت عزوبي
* لاتطيع البنوك وتاخذ بطايق إئتمانية أبدا أبدا أبدا أبدا
* لاتاخذ قرض من البنك عشان تلعب بالقروش وإلا تحطها أسهم
ياتاخذ قرض تتزوج فيه وإلا لاتاخذ
* إذا كانت عندك إلتزامات تدفعها
تعطي أبوك وأمك وتدفع لعزبة البيت ( لازم ثم لازم تجمع من الباقي )
* قالوا السلف تلف
* وقالوا الدين عماة عين
وهذا انت تخرجت
والآن أنت موظف
عشان كذا خلك معاي في الدقائق الجاية
دقائق بسيطة راح تنقذ لك مستقبلك وحياتك كلها
أخوي خذ مني هالنصائح وصدقني أنك بتربح إن سويتها
الشخص منا إذا إستقل بحياته وجد حياة ثانية غير إللي كان متعود عليها وقت ماكان طالب
دنيا جديدة وحياة أخرى
أنا الآن أركز فقط على حاجة وحدة فقط من ضمن الأمور الجديدة اللي ستحدث لك
أنها الأمور المالية
بس تتعين تجد أنك إمتلكت فلوس أكثر بكثييييير من اللي كنت تمتلكها حينما كنت طالب
الراتب < < < المبلغ الذي ستحصل عليه جراء عملك
القروض < < < مبالغ تحصل عليها من البنوك أو شركات القروض
بطاقات إئتمانية < < < بطاقات تحصل عليها من البنوك من شركات عاليمة كفيزا وماستر كارد
الآن ياخوان خلوكم معاي وصدقوني راح أفيدكم
وهذا بالطبع عشان مالقيت أحد يقول لي ويحذرني وقعت أنا في مشاكل كثيرة
آخرها سداد القرض وإلغاء البطائق الإئتمانية
الشاب منا إذا أخذ الراتب قام يبذره بأمور مالها داعي مطلقا
فيفقد راتبه قبل ينتهي الشهر
فيدور على مدخول آخر يسد العجز هذا
فما يلقى إلا بطائق الإئتمان
يروح البنك أو أنه يصدق الدعايات وياخذ بطاقه أو ثنتين
ويبدأ يصرف ويصرف ويصرف
ومع بداية توظيفة يبي يكشخ بسيارة
ويروح ياخذ له قرض من البنك ويشتري له سيارة
أو يسافر بالقرض
وهذا والله يصير ياشباب ومع هذا كله تضيع الفلوس وتبقى الديون
وأقعد سدد سنين وسنين وتروح حياتك كلها في التسديد
والله ثم والله أني طحت في هالأمور هذه كلها وتوني مخلص ديوني الله لايعيدها
ديون قضيت فيها عشر سنين تسديد في تسديد
والله ثم والله أول ماتعينت في الرياض
كنت أصرف الفلوس وصرف غبي طلعات وروحات وسفرات
وأخذت قرض وشريت سيارة وكنت أحتاج فلوس عشان أمشي نفسي فيه لآخر الشهر
أخذت فيزا وماستر كارد وكل هذا على ظهري أنا
أرتحت فيهم سنة وشقيت عليهم سنين واجد
والله ثم والله كان واحد من الهفوف معانا كان مايطلع ولا يصرف
ولا أخذ قرض ولا يدشر زينا
يروح دوامه ويرجع البيت ويتعشى عشاء بسيط
واحنا نفلها من مطعم للثاني
جمع فلوس من راتبه لأنه ماكان يصرف
واحنا نتسلف عشان نكمل الشهر
يوم جاء الجد وبغينا نتزوج
كلنا توهقنا لأنه ماعندنا شي
أخذنا قرض ثاني على الأولي عشان العرس
وذاك ماشاء الله عليه تزوج وطلع الفلوس اللي كان يجمعها
وصرفها في شي سنع مو زينا كنا نصرفها على غير سنع
المقصد من هذا كله ياخواني
تعينت وأخذت الراتب
* لاتصرفه وضيق على نفسك وأنت عزوبي
* لاتطيع البنوك وتاخذ بطايق إئتمانية أبدا أبدا أبدا أبدا
* لاتاخذ قرض من البنك عشان تلعب بالقروش وإلا تحطها أسهم
ياتاخذ قرض تتزوج فيه وإلا لاتاخذ
* إذا كانت عندك إلتزامات تدفعها
تعطي أبوك وأمك وتدفع لعزبة البيت ( لازم ثم لازم تجمع من الباقي )
* قالوا السلف تلف
* وقالوا الدين عماة عين