تجارب بنات الملتقى

[@ مشتاقه لعيونه @]

هلووو بنات
ازيككم ..
شرايكم نخلي موضوع نكتب فيه كل تجاربنا في اشياء التجميلية ؟ يعني كل وحدة اتيي تقول لنا عن خلطة جربتها ونفعت .. عن رجيم .. اي شي سوته سواء نفع او لا خخخخ
يعني نخلي الموضوع حق تجاربنا
ها شرايكم ؟

[ذكريات]

موضوعك حلو يامشتاقه بس للأسف كلنا خمسه او ست بنات في الملتقى ومع كذا ان شاءالله كلهم يدخلون ويعطونك تجاربهم 000

وانا راجعه لك واعطيكي من خبرتي اشوي >>>> واثقه من حالها واجد 000

[امانــ العمرــي]

اممممممممم موضوع حلو واقترح انه يتثبت ويبقى على طول اي خبراه جديده نضيفها


امممممممممم قد مره جربت البانكيك في كل صباح ولمده شهر بصراحه وزني زاد وبشكل مره حلو يعني الجسم الي تحبه اي وحده ((( رشيق)))) المهم يعني هذا شي يساعد على السمنه ويعالج النحافه

[الرومانسي]

يعطيكن العافيه بنات

لايأس مع الإرادة
كنت مار من جنبكن فدخلت عليكن ..

اخوكم .................... رومانسي

[@ مشتاقه لعيونه @]

يسلموووووووووووو على الرد والتثبيت

وحتى لو كنا خمس ان شاء الله نصير اكثر ونستفيد من تجارب بعضنا البعض

لكم تحياتي

[@ مشتاقه لعيونه @]

لشعر ناعم كأنه مستشور؟؟؟؟؟

جبتلكم هل وصفة السهلة واااااااايد من مجلة اجنبية و الله انه الانجليز طلعوا مب سهلين عندهم شغلات طبيعيه و حلوة

يلا ما اطول عليكم الوصفة هاذي كالتالي :::::::::

تجيبين صحن و تخلطين فيه مايونيز يكفي لطول شعرك مع كمية من البلسم الي تستخدمينه لشعرج في العادة
( ملاحظة : يكون المايونيز اكثر من البلسم يعني مقدارين من المايونيز يقابله مقدار من البلسم )

اوووووووكيه بعد ما تخلطين المقادير

ترطبين شعرج بالماي ( هالخلطة قبل الاستحمام لا تنسون) و بعدين تحطين الخلطة على شعرك كله و خاصة الاطراف بعدين تغطينه بقبعة الحمام و تنتظرين ساااااااااااعة كاملة اوكي خلصت الساعة الحين تغسلين شعرك بالمااااااااااي فقط ..... هاذي هي الخلطة ......

هذي الخلطة كانت بموضوع موج

وانا جربتها وصار شعري حلو

لانه كان صاير خفيف بسبب الصبغ علشان كذا صاير يكش الحين هدأ وصار مثل ماكان قبل

[@ مشتاقه لعيونه @]

ازالة الزيوان من الوجه + تنظيف الوجه

المقادير



(تسلقين المقادير الآتية لمدة 15 دقيقة)
- ربع ليمونه
- ربع برتقاله
- ربع تفاحه
- نصف جزره
- ربع بطاطس

بعد انتهاء عملية السلق تخلط المقادير بالخلاط الكهربائي مع الآتي:
- ملعقتان سميد
- 3 بياض بيضات
- ملعقة زيت زيتون
- 3 ملاعق نشا
- القليل من ماء الورد

وتوضع على الوجه (20 دقيقه)
ويمكن حفظها في الثلاجة لمدة 15 يوم فقط ويمكن استخدامها يوميا

الخلطة هذي انا سويتها اليوم وراح اجربها وان شاء الله استفيد منها وراح اخبركم بالنتايج

بس ادعوا لي ان مايتشوه او يحترق وجهي

خخخخخخخخخخخخخخخخخخخخخخخخخخخخخخخخخخ

[ذكريات]

موفقه حبيبتي 000

وراح اجرب المايونيز مع البلسم لاني دايم استعمله لحاله ولا اشوفه يسوي فايده وانا احط المايونيز ربع ساعه بس اخاف يقطع شعري لو اتم ساعه بس بجرب عندي مناسبه هاالسبوع وراح اجربها واقولك النتيجه 000

[@ مشتاقه لعيونه @]

انا جربت الخلطه الحين بس عادي ماحسيت بشي

لكن اهم شي ان وجهي ما احترق خخخخخخخ

بس يمكن مع التكرار كل يوم راح احس بالتغيير

ولا تخافين حبيبتي انا لما سويت خلطة المايونيز نمت اكثر من ساعة تقريبا

ولا تقطع شعري بس حسيت بصداع لان الشعر يتبخر بسبب القبعه وانا كنت نايمه

وبس حبيت انبهك الى ان الموضوع مكتوب فيه انك لازم تغسلين شعرك بالماء فقط

لكن انا غسلته بشامبو وحطيت بلسم بعد

لان اذا غسلتيه بالماء فقط راح تحسين انه مدهن ويتلصق ويطلع منه زي لون الحليب

بس جربيها وان شاء الله تصيرين احلى وحده بالمناسبه

لك تحياتي