اللي يقترح له مني هديه لا يتوقعها ابدا

[ansm]

السلام عليكم

ارجوكم يا شباب ابي الناس تكون جاده لو سمحتوا


عندي مبلغ وابي اعمل مشروع في البلد يغنيه عن تكليفها من المشوره الى الهفوف او المبرز يعني ما ينقص العيون وبحاجته

.................................................. ...
ممكن تفيدوني وعلى شرط اللي يقترح مشروع ناجح له مني هديه لا يتوقعها ابدا

[الديرة القديمة]

ماشاء الله عليك اخوي شكله مايهمك الربح او الخساره بقدر مايهمك مصلحه البلد

وفيه مشاريع كثيرة تنقص مدينتنا منها على سبيل المثال

1 - مطار يوفر علينا عناء السفر للهفوف او الدمام

2- نبي محطه مثل اللي بمصر( ماعرف اسمها )

تربط بين الصراه وحصيمه والمعيزل والديره

3- برج مثل الفصليه او المملكه نسميه ( برج المفارجه )

4- ملاهي او حديقة حيوان

5- بناء ملعب للنادي ومدرجات

6- محل نعل بس لاتجيب كل النعل نفس الرجل مثل قحطه
هههههههههههههههههههههههههههههههههههههههه

7- بدل الملتقى وش رايك تسوي قناه تلفزيونيه
8 - نبي سور مثل اللي في فلسطين بينا وبين مراح ( خارطه المفارجه )

9- ينقصنا محل يبيع ذرة وبليله

10 - تقدر تقرب لنا لعقير ونشكرك كثير في حال تلبيه هذا الطلب

11- مستوصف خاص مثل الموسى **********

12- فرقه سامري وشكشه لتسليه الشباب عن التفحيط

13 - ساحه تفحيط على مستوى عالي على خط العقير

14 صاله افراح **********
15 - محل كمبيوتر بدل الزباله اللي عندنا ***********



هذي الافكار حصريا لك انت ولو تحسب كل مشروع بــ 10000 ريال تقدر تسويهم كلهم

واذا مش حلوه الافكار اشتر حزم جت وسوق الديره ينتظرك

=================================================

اقول اللي بيسوي عمل تجاري يقدر يستشير القريبين منه بدل النفخه في الملتقيات

واذا تبي تفيد العيون تقدر تفيدهم بعدة طرق بدل اللي تسويه ياخي اتق الله في نفسك

واخلص العمل وصف النية

تم التحرير بواسطة abusalman ....

ارجو منك عدم ذكر اسماء

[أبو طلال]

اقول اللي بيسوي عمل تجاري يقدر يستشير القريبين منه بدل النفخه في الملتقيات

واذا تبي تفيد العيون تقدر تفيدهم بعدة طرق بدل اللي تسويه ياخي اتق الله في نفسك واخلص العمل وصف النية


استغرب فعلا من شخص يقول مالا يفعل

الاخ ماسوى شي ياخي عشان تشن عليه هالهجوم الغير مبرر
كل اللي سواه هو طلب مشورة
مقولتك انه يقدر يستشير القريبين منه مقوله حقه اريد بها باطل
ومقولتك النفخة في الملتقيات مردودة عليه حيث انه ماذكر اسمه ولاحتى رمز عليه بأي رمز
وانت تقول هناك عدة طرق عشان تفيد العيون بها طيب يالديرة القديمة ليه انت ماسويت كذا
راجع ردودك كلها تلاقيها تهجم وتهكم على الاعضاء وهذا الرد خير دليل ليه ماتفيد العيون
وتعطينا مواضيع سنعه يافلتة زمانك
ياخي اتق الله في نفسك واخلص العمل وصف النية هذا كلامك بس طالع فعلك
وينك من اتقاء الله في هالرد يالديرة القديمة
الاخلاص في العمل هذا الشي واضح انك مخلص فيه وعملك هنا في الملتقى
هو من اجل الهدم وليس البناء وانت مخلص جدا في هالشي
صفاء النية بعيدة عنك لو انك تبي المصلحة ودعوة خير للأخ ansm كان ارسلت له رسالة خاصة
بدون ما احد يدري ويعرف وهذا امر بينك وبينه والله هو الشاهد مش تجي هنا وتفرد قلمك لكل الناس
نصيحة ارجع لموضوع الأخ ansm واقرى توقيعه لعلك تستفيد

[ذكريات]

اولآ انا متعجبه مره من كلام الأخ الديره القديمه ومأتوقع هذي اخلاقه يعني الأخ ماقال شي غلط باالعكس ماكتب الموضوع بااالملتقى ال انه شايفنا على يد وحده واخوان في الله ان شاءالله وواثق من افكارنا 000

اما انا باالنسبه لي عندي لك مشروع وهو فتح محل صغير خياطه نسائيه مو مشغل كامل لا بس خياطه وصدقني انه ربحه مضمون وانا الفكره من زمان براسي بس الظروف ماسمحت اسويها 000
او محل عصيرات وايس كريم وسلاش يعني الأشياء البارده تدري الحين صيف وهالأشياء مرغوبه واذا جاء الشتاء تقلبها اشياء حاره مثل القهوه بأنواعها 000
او عربيه ذره وبليله 000
وانت وراحتك بس انا دارسه المشاريع من قبل لأني ناويه اسوي واحد منهم بس الين الفرصه تجي مره ثانيه 000

[عيوني حبوب]

1- محل أزياء العرس 2- مطعم مثل كتكوت 3- تبرع بها لنادي العيون 4- تبرع بها للجمعية أو للمكتب التعاوني أو للمركز النسائي أو لمركز الإمام أحمد بن حنبل أو لفقراء العيون 5- إستراحة أفراح مبسطة .

[عاشق الجنان]

شكراً للأخ كاتب الموضوع على طلبه المشورة من إخوانه أبناء العيون ...

وقبل أن أطرح رأيي أوجه نصيحة لوجه الله للأخ المكنى (الديرة القديمة) وأقول له اتقِ الله ولاتسيء للآخرين بهذه الألفاظ الجارحة ولاتستهزئ ولاتغتاب الآخرين واعلم أنك مسؤول أمام الله تعالى عماقلته ...
بالنسبة لموضوعنا اقترح على الأخ ansm عمل مطعم عائلي..

[abusalman]

يعطيك العافيه يا ansm ,,

انا عندي فكره حلوه ولكن الميزانيه اللي انت رصدتها مااتوقع انه تكفي , يعني لو تشترك مع شخص ثاني وتسوون مطعم فخم { ممكن يكون مصغر علشان الميزانيه } ويكون فيه قسم للعائلات واهم شي يكون في منطقه بعيده اشوي عن المباني والناس ... مثلا يكون في اخر منطقة السلطانيه او اخر الصراه الجديده يكون افضل...

واهم شي تكون اسعاره معقوله .....

بس هذا المشروع يبغي له اقل شي 600000 ريال او اكثر اذا كان المبني خاص به طبعا لانه اذا كان مبنى مستأجر مارايح يفي بالغرض اللي اقصده .....

اتمنى لك التوفيق ...

[ansm]

السلام عليكم مره اخرى


شكرا للاخوان جميعا على ردودهم الواعيه وعلى المقترحات والمشاريع الجيده .

الديره القديمه / :) ســـــــــــــلاما


ابو طلال/ مشكور كل الشكر وجزيت خيرا

ذكريات /فتح محل صغير خياطه نسائيه..................(يستاهل الدراسه ليش لا)

عيوني حبوب / المبلغ لا يغطي جميع ما ذكرت (لكن تدرس مع شريك آخر) محل ازياء للعرس

ابو سلمان/يعطيك العافيه ومثل ما تفضلت المبلغ لا يغطي (مد رجليك على قد لحافك )يعطيك الف عافيه.

العشق الخيالي/المبلغ لا يغطي لفتح مطعم عائلي (يعطيك الف عافيه وما يمنع من التفكير فيه)

اما من نا حية التبرع فان المبلغ صافي من الزكاه .

ارجو من الجميع ان ينظر بعين واسعه لا بمقدار ضيق.

[abusalman]

الله يعافيك ... ولكن ليش ماتبحث عن شريك لان الموضوع يستاهل . >>>> مجرد رأي

[ansm]

اخي ابو سلمان الشريك موجود لكن في انتظار المشروع الجيد والحقيقه تنقصنا الخبر بعض الشيء

ولى فكره كانت تراودنا فكرة فتح صاله رياضيه .
لكن واجهتنا عوائق منها وهوالاهم . دكتور خاص بالصاله يعني متفرغ للصاله فقط والمعدات تكلفتها باهظه جدا مع ارضية الصاله والى الان ونحن نبحث عن مشروع ذو مردود لا نقول ممتاز لكن نقول مردود جيد .

وكم تمنيت ان يشاركني الجميع لنجد المشروع بحيث يكون على مدار السنه وليس موسمي فقط.