ان مت والعمر انطوى وش تستفيده يافهيم ..

[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم

هذي قصيده لي قصتها ..

فيه شخص زعلان علي او بالاحرى اثنينا زعلانين

انا ماطقت زعله كثير راضيته بس بطريقتي

لاني كنت اتوقع هو بيراضيني مثل ماراضيته

لكن ماتجاوب معي وماقدرت ابين له غلطي لانه هو معي بالغلط نفسه ..

والشخص هذا من الملتقى ومتأكد بيقراها

ياليت تعجبكم ..

.........

ابتغي منك (الرضا) وانت لي طبعك كريم
استسمحك عذر (الخطا) والبشر تخطي وتصيب

كان عذري (ماوفا) اعتبر شخصي لئيم
وكان لي حق (العطا) الكرم منك نجيب

جفن عيني ما(غفى) وان صحا همه يهيم
حتى جسمي ما(اهتنا) بالبكا حزن ونحيب

كان لك شف (الرضا) جسمي شفه هالنسيم
وان قطعت مني (الهوا) بشد قلبي لك واغيب

يامن ايدينه (بالهدا) تعطي ومافيها نديم
تبخل علي من الصفا والوقت كله لي صعيب

ان مت والعمر (انطوى) وش تستفيده يافهيم
الموت محدن له (قوى )واخآف ياموتي قريب

القلب في بعدك (ضما) وان روى يرجع يضيم
والدوا مامن (دوا) وحضرتك لي الطبيب

الخد بالدمع (انكوى) والعظم ماهو سليم
كيف والله (ياوفا) واخوك منك مستصيب

الجمر بي ما(انطفى) والنار في وسط الصميم
والحظ مني (أختفى) ترضاها في خلك يخيب

.....

طبعا تلاحظون ثلاث قوافي .. ماعمري تطرقت لهالنوع

من الكتابه لكن زعله اثر فيني وياليت يرضى



وسلامتكم ..

[ساري المفعول]

الله يجمعكم ولايديم الزعل بينكم

ومبين التأثير على الكتابه

ربك يسهلها

جمعكم الله في الدنيا قبل الممات
وفي الجنة بعد البعث والنشور

[شَ ـآعُ ـٌر ٍ مُـً ِش‘ـًآعٌ َـْر ِ]

امين ويرزقك الجنه ربي يسعدك ياساري

تسلم ع الرد ..

[ابوعبدالله]

صح لسانك اخوي مووت واسأل الله ان يجمعك فيهم ولا يدوم الزعل بنكم

[شَ ـآعُ ـٌر ٍ مُـً ِش‘ـًآعٌ َـْر ِ]

صح بدنك تسلم ولا هنت ع الرد ..

[العامري؟]

يعطيك الف عافيه يالغالي

[غلا السعوديه]

صح لسا نك اخو ى والله يجمعك معا هم

[شَ ـآعُ ـٌر ٍ مُـً ِش‘ـًآعٌ َـْر ِ]

العامري

غلا

صح الله ابدانكم

وماقصرتوا .. :)

[أمير بكلمتي]

صح لسانك

[أمير بكلمتي]

صح لسانك

[الخائف من الله]

السلام عليكم ورحمة الله وبركاته

الى موت المشاعر


اشكرك على هذه القصيدة الطيبة
وآسال الله ان يثيبك عليها
و
خصوصآآ البيت الي قلت فية (((ان مت والعمر انطوى وش تستفيد))))

بصراجة ذا البيت يكفي عن البيوت كلها
واريد ان استآذنك


هل تسمح بآنتـــــنشد هذة القــــصيدة؟؟؟؟؟؟


واتمنى ان تعجل علي في الرد


وشكرآآآ

[نانا]

الله الله ياموووت وصح لسانك ويعطيك العافيه

ويديك ربي العافيه ولك كل التوفيق يارب,,’’,,’’





تحياتي لك,,’’,,’’

[شَ ـآعُ ـٌر ٍ مُـً ِش‘ـًآعٌ َـْر ِ]

السفاح

صح ابدنك ولا هنت ..

[شَ ـآعُ ـٌر ٍ مُـً ِش‘ـًآعٌ َـْر ِ]

الخائف من الله ..

بيسعدني كثير لو نشدتها بس .. فيها شوية كسور :)

من ناحيتي اكيد موافق والله يكتب لك الاجر يالغالي ..

[شَ ـآعُ ـٌر ٍ مُـً ِش‘ـًآعٌ َـْر ِ]

نانا

صح الله بدنك :)

ولا هنتي ع الرد ..

[العيون]

صح لسا نك اخوي والله يجمعك معاهم

[*العقرب*]

صح لسانك اخوي مووت واسأل الله ان يجمعك فيهم ولا يدوم الزعل بنكم

[شَ ـآعُ ـٌر ٍ مُـً ِش‘ـًآعٌ َـْر ِ]

احمدا

صح بدنك اخوي .. ولاهنت ع الرد :)

[شَ ـآعُ ـٌر ٍ مُـً ِش‘ـًآعٌ َـْر ِ]

العقرب صح بدنك .. والله يسمع منك

لاهنت ع الرد .. :)

[мαℓαк αℓ-яσσ7]

ياحلو قصيدك يامووت المشااعر ..............
ويعل الحزن مايعرف لك طريق ...........
الله يجمعكم ان شالله ...............

تقبلي مروري

[شَ ـآعُ ـٌر ٍ مُـً ِش‘ـًآعٌ َـْر ِ]

ياحلو قصيدك يامووت المشااعر ..............
ويعل الحزن مايعرف لك طريق ...........
الله يجمعكم ان شالله ...............

تقبلي مروري


احلوت ايامك اختي ملاك :)

يعطيك العافيه وجعل الحزن مايجيك

الف شكر ع الرد

[ولد العيدي]

الله لا يجيب الزعل بينك وبينه