وش أول سيارة سقتها ؟

[أبو طلال]

طبعا كل واحد منا له حكاية مع اول سيارة ساقها

عني انا كنت ابي اسوق كل ربعي ساقوا الا انا
كلهم تعلموا السواقة الا انا
سرقت مفتاح السيارة اللي يروح ابوي فيها للمزرعة
ددسن موديل 86 هههههههههههههههههههههه
مابقى درام في الحارة الا وصدمته
زين اني سقتها في الظهر بعد الغدى والعالم هاجعة
المهم اني وصلت ابوي المزرعة في العصر

[السندباد]

ههههههههههههههههه

يا مراااهق

عاد تدري انا متى يوم كان عمري

14 سنه طبعاً كنت صغير ماشاء الله علي

ابوي يعلمني وانا حد الدعسه

كان ادعس لك وااحد بس الله ستر

ولاألحين انا في السجن

هو الله يرحمه

[أعــــدام]

اما انا

اول سياره سقتها

وانا عمري 17

سرقت مفتاح السياره من غرفت ابوي

وهجيت كان الوقت تقريبا في الفجريه

ماحد حولي سقتها وصدمت وعدمت الوجهيه

وجيت لبقتها تحت الشجره ويوم صحى ابوي

شاف السياره راحت فيها

تاكد مليون بالمائه ان انا اللي صادم

وجاتني زفه لاعلى البال ولاعلى الخاطر

تحياتي

[الرمـــــادي]

والله شي


اول وانا في سن ال13 كان ابوي يعلمني اسوق بيوك قديم وكيف عاد..؟؟
يقعدني في حضنه ههههههههه
بعدين طفشت حدي وربعي يضحكون علي عاد وقمت فذاك اليوم وعندنا سياره جديده ميتسوبيشي جلانت
واسحب المفتاح من ثوب ابوي وانحاش بالسياره
واسوي حركات فيها الليمن صدمت في ري وانعدمت الوجهيه والري انهدم.....

والحمدلله جات سليمه ماصار لي شي
رجعت السياره وهجيت من البيت يومين والعواقب اني سويت زحمه بالبيت وحرمان من كل شي مده شهر

والى الان الحمدلله ماعدت اصدم ولا ارقى رصيف
عالراحه.....؟وسلامتكم



رمــــــادي


:rolleyes::rolleyes:

[المنصــوري]

هههههههههههههههههههههههههههههههههههههههههههه


اما انا الحمدالله قصتي بايخه

المهم انا اول شي كنت اتلهف على السياره بأي طريقه ابي اتعلم

المهم اخوي كان يعلمني على سيارات الاجره اللي كان يستأجرها الوالد وكان عمري 13 او 14

المهم تمت فتره ما سقت وجاني ابوي بسؤال غريب وقالي يا عبووووود تعرف تسوق ؟؟؟
انا من زود فرحتي ما صدقت!!!!!

وعلى طوووووووول قلت ايه اعرف >>>>>ههههههه ماهقا على الله

قال من علمك؟؟؟
قلت اخوي
قالي طيب
روح جيبها من الكراج المهم ورحت جبتها !!! ابوي ما صدق الا يوم شاف السياره عند الباب وفرح


وكان فيه رجال عند ابوي وقالي وصله المهم وصلت الرجال كان الكلام هذا الساعه 12 ونص الظهر ونوع السياره كابريس 2002 المهم انا مسوي فيها راعي طاره وراعي موتر ابي امر بين سيارتين وانا مسرع المهم ماعديت السيارتين الا والمرايه في الارض انا خفت وديت السياره عند البيت وعطيت المفتاح ابوي ولا كأن صار شي يوم درا باللي صار خلاني ادور على الكره الارضيه سبع مرات ههههههههههههههههههههههههههههههههههه

[abusalman]

انا اول ماسقت كنت في الصف الخامس ابتدائي بسياره شفروليت ومارايح اقول موديلها علشان ماتعرفون اني شايب خخخخخ

هذا طول الله عمركم اخوي اللي اصغر مني سافر هذيك السنه طبعا قريب مو بعيد بس بالنسبه لنا سفر واخوي اللي اكبر مني قال لي بخليك تسوق السياره علشان ماازعل المهم رحنا المخطط وسقت السياره وكان وقت مطر اشوي وانا بأدور الا السياره انزلت عن الطريق ولا عمرها تطلع حاولنا وحاولنا ولا فيه فايده ...
مشينا الى خط العقير الا بوجود الاستاذ صالح العيد (ابووحيد)رحمه الله وأسكنه فسيح جناته {على فكره , كان من اعز الاساتذه عندي } بدون مبالغه ,,,
المهم نكمل السالفه >>>> ركبنا معاه في الونيت وسحب السياره وبعدها مالمست الطاره الا يوم صرت في اول متوسط.

[ذكريات]

اكيد بتقولون وش دخلها هذي هنا بس انا عندي مغامرات باالسياره وودي اقولها 000

طبعآ انا ابوي راعي بر ودايم كنت معه وكان يعلمني اسوق سيارته مره وانا كنت باثالث متوسط قالي شغلي السياره وسيارات ابوي ذاك الوقت (لند )بس مو قايله وش موديلها المهم كان صباح بيوديني المدرسه وهي في القراج رحت وشغلتها وعينكم ماتشوف الاالنور اطمرت علي لانه ماسحب هند اول ماطفاها وانا شغلتها وانا اعليميه وش عرفني انا بنت المهم صقعت باالسياره وراحت وجهيتها كلها وكلفته مبلغ وقدره 000


واول مره سقت السياره كنت بأول متوسط وصراحه اللحين يعني يعتمد علي باالسواقه >>> خاطري اصير سواق ههههههه0000

[saad194]

انا اول سيارة هايلكس 89 وكان عمري18 يعني كبير علشان الدوريات وعالطول قصيت رخصة

[هيمان]

ددسن موديل



1993

[شَ ـآعُ ـٌر ٍ مُـً ِش‘ـًآعٌ َـْر ِ]

ههههههههههههههه
انا انا قصتي قصه

----------

سقت سيارت اخووووووي وانا في سادس ابتدائي هو معتمد علي اصحى الصباح واشغل الكابرس 89

عشان تسسسخن السياره

المهم من فضوووووولي قلت ليه ما اسووووووقها اشوي والله واقدمها قداااام والحمدلله جات سليمه
المهم الحين في الرجعه حطيته ريوس وابي البقها مكانها جنب البيت

والله ومالبقتها الى فيوق البييييييت عند الدرج ههههههههههههههههههههههههههه

ومن الخوووف مارحت المدرسسسسه هههههههه

بس الحمددله ماصار في السياره شي ولا طقني قام يضحك
<< كني اشوفكم تتطنزون ايه عقلووووو ههههههه
بسسسس

[امانــ العمرــي]

ذكريات وانا مثلك بس ماذكر اني خربت لابوي سياره

وفعلا للحين يعتمد علي بالسواقه لكن في السفر على الخط

بس بصراحه ماذكر اول سياره سياره سقتها لاني كنت صغيره مره

[«¤¶`جارالله`¶¤»]

أول سياره والله ما اذكــر

وأنت يابو طلال ما خليت درام الا وما شليته

وأنا اقول يوم أجي العيون ما اشووف الدرامات

تكرمون

ههههههههههههههه


تحياتي لك عيزي

[شَ ـآعُ ـٌر ٍ مُـً ِش‘ـًآعٌ َـْر ِ]

up

up

up

[متابع رياضي]

ليش ؟؟

وش حقه ؟؟

ولماذا ؟؟

لازم نطلع الفضايح يعني

[شَ ـآعُ ـٌر ٍ مُـً ِش‘ـًآعٌ َـْر ِ]

متابع محجر لنا انت

جاوب ياخي

ولا للحين ماسقت ههههههههههههههههههه

[نزفـ المشاعرـر]

هههههههههههههههههههههه


اوما انا

اول ماسقت كانت سيارة ابووي المرسدس ولا احد يسأل كم موديله خخخ


وكنت ماخذ الحذر كأني سواق متعلق بالدركسون خخخخخخ



اسبووع واحد بس وجبت الأعياد كلها هع

[نصراوي العيون]

I`ll come back to tell you about my story (:

..

[شَ ـآعُ ـٌر ٍ مُـً ِش‘ـًآعٌ َـْر ِ]

انتظر قصتك بفارغ الصبر يابو كورولا
خخخخخخخخ

[الامير العيوني]

انا اول سيارة قصتي قصة معاها


من يوم كان عمر ثلاث سنين وابوي شرالي سيارة صغيرة امزححححححححححح لاتصدقون


انا الى الأن ماسقت سيارة خوااااااااااف

[مدرجهم]

اول سياره فورد

وصار لي حادثين خلال اسبوعين

[الهاوي173]

ههههههههههههههههههههههههههههههههههه

ددسن(2005)جير:اتوماتيك

ولاحد يستغرب تبون صورتها

[نصراوي العيون]

انتظر قصتك بفارغ الصبر يابو كورولا
خخخخخخخخ


هذي هي جاتك القصة يا بو كورولا انت بعد هع


أنا أول سيارة سقتها بيوك رود ماستر 92

وما أذكر اني جبت حفلة إلا بعد ما سقت بفترة

بس أول مرة مسكت الطارة كان معي اخووي

ههههههه من زود الحماس أضغط أم الدعسة .. اشوي وأشوف راسه في القزازة (:

مشكلة أنه اخووي الكبير

يعني اشوى انه ما جاني بقس عوج

والحفلة الثانية كنت جاي من المدرسة

وإذا بي أصقع سياارة واقفة (:

ما لها ذنب خخخخخخخ


<.

[ساري المفعول]

اووووووووووه أول سياره سقتها كان سوبر 79 كان عمري 13 بس كنت حريف في كيف تصنع الحادث ههههههههههع

[عديل الروح]

اول سيآرهـ سقتهآإ يآطويل العمرر

ددسن غمآرهـ على خط المزآرع

<<عشآن مآضحي فى النآإس هههههع

[المـشتاق]

اما انا ول سياره كابرس وسوبر اهج ابهم في الصباح الكل نايم

يوم الخميس محد حولكـ واسرع سرعه موصاحيه

وخذ لي كم يوم وانا اسرق فيهم والحرامي ينصاد

وصدمت بالسوبر والله المستعان

[عديل الروح]

وصدمت بالسوبر والله المستعان

الحرآإمي مآإيدوم على حآلهـ :)

صدمت !!

وطفيت لمبآإت الفريج اللهـ يصلحك هههههع

[المـشتاق]

وطفيت لمبآإت الفريج اللهـ يصلحك هههههع



عن الفضايح هاااااااا

والله لاجيك لين بيتكم واعلمكـ

[رٍسِـــلآنٍ]

اشوف الموضوع من سنه جدي من رفعه ههههههههههههه

والله مدري وش اول سياره سقتها عمامي وخوالي سوقونا كل سياراتهم بس الاول مدري من كان ......

الحمد لله لايوجد اي حوادث ماعدا مطارده في الاحساء عند اليحيى بالجيب مع سيارة مطعم.... لحقته وكسرت سيارته لين تم القبض عليه وتلقينه درس لن ينساه طول عمره < ههههههه واصبحت سيارته لاتصلح الا لسكراب والحمد لله موتري طاحت منه قطعه فيبر صغيره بحجم كف اليد واصغر ولم يخدش ابدا ...................... والسبب انه صدمني وكان تسبب في انقلابي مع اهلي وهرب << وكان قبلها صاقع 4 سيارات غيري لاكنهم مايقدرون يلزونه لان سياراتهم صغيره ...... والله يومها الجيب من قوة الدعس شوي تطلع البواجي من المكينه ...... وصاحب السياره من مطعم الحرمين في اليحيى ...... كان طلعت في الجريده يومها خلني ساكت بس

[المجروووووح]

اول ماسقت ددسن كان اخوي ماسكني وان ماسك الدركسون كأنه قير كمبيوتر ولا ازيدكم من الشعر بيت اطب في الصرف

[جامح العيون]

آآآآآخ يا قصتي

السالفة هذي كانت في رمضان

كان ابوي يصلي التراويح وانا ادوج في الشوارع مع ولد خالتي

طبعا كان يعطيني المفتاح عشان اجهز له السيارة بعد الصلاة

وجا يوم

وسوس لي الشيطان اني اسوق السيارة

واقول لولد خالتي

مشينا نهج بالسيارة

ولد خالتي ما صدق

قال يالله

وبسم الله عديت الشارع الاول والثاني والثالث الخ الخ الخ ....

وجا الشارع الاخير

دخلت في دواعيس الحارة جاتني لفة على اليسار والفها كأني محترف سواقة

وما انتبهت الا والباب الامامي والخلفي انتهوا ... رحت رجعت الموتر وانا خايف

وقلت لابووووووي ان السيارة مصقوعة... وقف شعر ابوي ولا صدقني الا يوم شافها بام ام عينه

ركبنا السيارة ... يوم وصلنا البيت

جااااااااااااني ذاك البكس على صدري... وقال لي ليه تهج بالسيارة وليه وليه وليه ؟؟؟

طبعا انا قلت له السالفه كلللللللللها ...وداس في بنكرياس بطني

[العودالاصيل]

كابرس موديل 79

[taker]

انــــا اول ســـياره سقتها كراسيد موديل93 تقريبا

[الملك الأتحادي]

انا اول سياره سقت كابرس موديل 89