المساعد الشخصي الرقمي

مشاهدة النسخة كاملة : لا تفوتكم ...قصيدة لبنات الثانوية


شوووق
04-14-2005, 01:22 AM
احتارو البنات وين يدخلون علمي والا ادبي وكل وحده دخلت القسم اللي تبيه يا انها مع صديقاتها والا تبي تفتك من الرياضيات والفيزياء واللي تبي تفتك من التاريخ واللي تبي ......واللي تبي.....

وفي هالوقت قامت وحدة من بنات العلمي كتبت هالقصيدة: ---------------------------------------------------------

حسبي الله على من تسلط على المسلمين

ضعنا ونبي رايكم يالسامعين

سهرنا الليل ورحنا نقول دارسين

وقلوبنا من الاسئلة حافظين

حفظنا الذهب والفضة وجانا الخارصين

والفراغات مليناها كلهاتخمين

ورحنا للسؤال الثاني على بالنا فاهمين

معادلات مع الاوزان عز الله ضايعين

ماعرفنا من الرموز الا الماء والاكسجين

والا السؤال الثالث يامن يعين

مسالة مانعرف لها راس من رجلين

اكتبي الصيغة الوزنية ماحناعارفين

والقوانين والله يستر علىالقوانين

تكسرت الالة من الطقطقة مابقى الا زرين

والمصيبة مشرفتنا تصرخ يانايمين

من زود الوناسة شايفتنا قاعدين

سلمنا الاوراق مافيها صح الا اثنين

الاسم ورقم الفصل وعلى الباقي مشطبين

ياناس انصفونا من الظالمين

والا ترانا اخر السنه من الراسبين

واخرتها سلامتكم يالربع والسالمين

واذا مااشتكينا لكم نشتكي لمين

شافوها بنات الادبي فتبرعت وحده منهم وردت :

من قال لكم تدخلون علمي يالمجانين

هذي هي سوات ايديكم يالفالحين

اسهروا ليلكم مع نهاركم ياالشاطرين

وحنا بنشخر مع النايمين

وحفظ الادب والمكتبة ومواد الدين

على طول بنجاوب دامنا حافظين

قلنا لكم نيوتن وفيثاغورس ميتين

وجعلكم ماتصيرون بانفسكم فالحين

واخرتها الله يسلمكم يالسامعين

وان شاء الله نشوفكم مع الراسبين

تنرفزوا بنات العلمي وقالوا :

دايم عند الاداره يامخبل متهاوشين

تحطون راسكم براس العلمي يالمساكين

ترى لكم الكرف والبيت وغسل المواعين

اتركو عنكم الحقد مركزنا منتوب واصلين حنا لنا العلم والمستقبل يالمساكين

واخرها الله لايسلمكم من البلاء يالمساكين

واخر السنه ان شاء الله نكون من الناجحين



وراحت وحدة بطالية جالسة فالبيت لا شغل ولا مشغلة لا دراسة ولا وظيفة محترمة

ردت عليهم وقالت:

لا علمي ولا أدبي أحسلنا جالسين فالبيت
نشرب بيبسي وناكل بسكويـــــــــــــــــــت

نلعب بالكيرم ونطالع التلفزيون
ندش النت ونتكلم فالتلفــــون

نقرأ المجلة والمكيف شغال
نطلع ندور وبدون نعـــــــــال

ننام النهار ونسهر بالليل
نروح البحر ونركب الخيـل

AL2o0y0u5n
04-14-2005, 02:07 AM
وش هذه القصيدة


يتهاوشون


الله يستر


يعطيك العافية وما قصرتي

شوووق
04-14-2005, 02:18 AM
العيون 2005
يسلموووووووووووووو على هالطلة
والله الأصيدة عاجبتني كتير

تحياتي

أعــــدام
04-14-2005, 06:44 AM
طيب وين راحو الراسبين اللي

توهم في اول ثانوي


كلميهم خليهم يكتبون قصيده عنهم


امزح ترى


بصراحه القصيده والله ضحكتني كثير


تحياتي لك شـــوق

ذكريات
04-14-2005, 05:18 PM
تبين الصراحة اول القصيدة يعني نقدر نقول حلوة بس بعد مادخلت اللي جالسة في البيت اخربت القصيدة يعني اختل التوازن 000

ومشكورة شوق 0000

شوووق
04-14-2005, 11:37 PM
أعدام
مشكور على المرور
وشكلك بليد في أولى ثانوي وتبي تشكي همك
على العموم ننتظر قصيدتك الحزينة ( هموم طالب أولى ثانوي)
************************************************** ********************
ذكريات جزاك الله خير واللي قاعدة في البيت ماعليك منها خبلة
تحياتي

حب العيون
12-02-2005, 01:37 AM
بينما كنت اتصفح في صفحات الديوان جذبتني تلك الكلمات
التي تنوعت فيها تقاسيم وجهي بين الذهول والابتسامه والاعجاب
فيالها من كلمات حملت في طياتها انواع من الاغراض البديعية
فاحتوت على : التوجيه السليم والطرفه الموجهة
يتسلى قارئها ويستشف من معانيها
وفي الاخير تكون المحصلة فائدة عظيمة وتسلية سليمة
لا استطيع عند قراءتها الا الابتسامه العريضة والدعاء للكاتبة المميزة شوق
بالتوفيق والنجاح يرعاها الله ويحفظها من كل شر

فتى النهارش
12-03-2005, 04:01 PM
أن رسبتن أو نجحتن وشدخلكم في المواعين

تاكلن وتنامن أوغيركم في المطبخ دايخين
ها تي يا شيلا ودي ياستي وشعندك ماتذاكرين
هذي الشغاله شايله الكنس وغسل المواعين
وانت للنت و اللتلفاز حاظره وا تناظرين
من بغى الجد ونيال أثقال الموازين
جد واجتهد واتكل على رب العالمين
اودا كل الفرو ض وابتعد عن الشياطين

سامحون اذا فيه قصور وكسور في القافيه لأن هذا رد مرتجل

الفضي99
12-04-2005, 08:31 PM
قصيدة طريفة مشكورة شوق على النقل الرائع والله يعطيك الف عافيه .

حب العيون
12-08-2005, 02:00 AM
http://www.3e6r.net/data/media/4/25_3.gif

حب العيون
12-08-2005, 02:01 AM
WIDTH=400 HEIGHT=350