المساعد الشخصي الرقمي

مشاهدة النسخة كاملة : طبقي المفضل

أبو طلال
04-13-2005, 10:04 PM
طبقي المفضل يختلف بإختلاف المكان والزمان

يعني إذا كنت عند الوالدة ربي يحفظها يكون طبقي المفضل هو
صالونة هامور أو المرقوق

وإذا كنت في الشقة مع الشباب ( عشان مقر العمل ) عزوبية يعني تكون كبسة لحم

أما إذا كنت لحالي وما أحد معاي فعلى طول إلى ساندويتش بيض بالجبن وعصير سن توب

هاه وش أكلاتكم المفضلة انتوا
شوووق
04-14-2005, 12:45 AM
أنا صراحة أحب كبسة الدجاج مررررررررررررررررررررة
في أي وقت أشتهيها وأحب ورق العنب وأشرب الشاي.
وبطاطس مقلي
أعــــدام
04-14-2005, 07:05 AM
اما انا طبقي المفضل شوربة قباقب

واحب استيك اللحم وخاصه بالصلصه الحاره في الغداء

واحب الاستكوزا كثير كثير كثير في العشاء

الله يهديكم شهيتوني

ويعطيك العافيه على الموضوع
شوووق
04-15-2005, 02:47 PM
الا ستكوزا ؟؟؟؟؟؟؟؟؟؟؟؟؟؟؟
أطباقك عجيبة ..
abusalman
04-15-2005, 06:44 PM
ويش عنده راعي الاستكوزا والستيك !!!!!

اعدام شكلك انت مولود في امريكا وسرك مقصوص في اسبانيا وانفطمت في اليابان ....

ياخي كلنا من العيون وعارفين بعضنا زين ؟؟؟؟ خخخخخخخ

على العموم انا احب كبسة الهامور وصالونة الربيان مو استكوزا وقباقب خخخخخخ
ذكريات
04-15-2005, 11:02 PM
اولا موضوعك يابو طلال فلة 000

ثاني شي صراحة اعدام خخخخخخخ موتني من الضحك ليكون فيك عرق هندي وانا مدري ياالله هاالمرة بنمشيها مرةثانية اذكر لنا شي يتصدق مثل الناس 000


ثالث شي انا اكلتي المفضلة كبسة دجاج واذا كنت عند امي عاد اموت في شي اسمة كبسة لحم >>> عجزت اسويها مثلها 000
aloyun
04-16-2005, 04:48 PM
اذا قلنا طبق بحري يكون صينية هامور ورز أبيض وإذا لحوم فلا غنى أبدا عن كبسة اللحم أما مشخول ربيان لعبتي انا وأحب مرقوق أم ابو طلال الله يخليها
abusalman
04-16-2005, 06:56 PM
صحيح نسيت لاقول شي مهم ...

سؤال لابوطلال !!

وين تودي صور السن توب ؟؟؟

قول لي ولا رايح اقول لأحد..
السندباد
04-16-2005, 11:33 PM
كبسة الدجاج - ورق العنب - الشاي - بطاطس مقلي مع كاتشب
و إذا مافيه ما ازعل ولا اكل-كيك نسكافيه- تفاح احمر
ووووووبعد كمثرى- موز- كرز- مرقوق - هريس- مصقعه
إندوووووووووووومي اهم شي


ترا كل هذا الأكل في يوم واحد

وسلامتكم
أبو طلال
04-17-2005, 12:57 AM
هههههههههههه كل الأكل هذ في يوم واحد ؟؟؟؟؟؟؟؟

نور العيون شكلك دبة

وصور السن توب أجمعها يابو سلمان في البوم مال صور
abusalman
04-17-2005, 11:40 AM
خخخخخخخخخخخخ

{{نور العيون شكلك دبه}} خخخخخخخخخخ


والله انك مسكين ماادري ليش كلهم يحسون انك بنت خخخخخخخخخخخخ
السندباد
04-17-2005, 02:20 PM
يا ربي عليكم وزني بس 45 كيلو

بو سلمان خخخخخخخخخخ
أبو طلال
04-18-2005, 12:07 AM
أدري ان نور العيون مش بنت

تبوني احلف مستعد ترى

وبعدين وزنك 45 طن على هالاكل اللي تاكله مب كيلو
السندباد
04-18-2005, 03:58 PM
ههههههههههههه

يا اخي لا تصدق ان كل

هذا الاكل في يوم واحد

انا حبيت اشوف ردك
نوخذة العقير
04-19-2005, 12:18 AM
ياسلام على السمك في كل طبخاته
أعــــدام
04-20-2005, 12:01 PM
أولا : ياشوق لولا اختلاف الاذواق لبارت السلع .

ثانيا : يابوسلمان انامولود بالعيون اوكيه بس انت ماسألتم عن اكل اهل العيون

انتم سالتم عن الطبق المفضل وانا طبقي المفضل اللي ذكرته .

ثالثا : ياذكريات انا مو مجبور احلفلك علشان تقولي لي اذكر شي يتصدق

وبعدين انا مايهمني رايك في طبقي المفضل .

لاحد يزعل مني .


تحياتي
لمعة الماسه
04-20-2005, 01:44 PM
الأكلات البحرية مرة حلوة بس يبي لها طباخ موأي كلام


سجل عندك :


صلونة هامور ( هامور عقير لذيـــــــــذ)

كبسة كنعد.

شوربة (بحرية) ومعاها بدل المجاديف ملاعق..

وغيرووووه
الباشا
04-20-2005, 03:25 PM
كبسة اللحم

يم يم يم

وخاصه اذا عند امي

تحياتي لكم
رحـــال العـــمر
04-26-2005, 03:14 AM
انا احب كبسه اللحم
وشوربه ام الربيان

ووجبه العشاء بيتزا شكن برقر
شَ ـآعُ ـٌر ٍ مُـً ِش‘ـًآعٌ َـْر ِ
04-21-2006, 02:27 AM
واااالله كيفي

انا رحت للصفحه الاخير رقم 7

وشفت الموضوع وابي ارجعه احد عنده مانع

<< يطالع يمين ويسار
ههههههههه


انا اكلتي المفضله

البيتزاااااا في كل انواعهاااااااااا

الشاورماا كماااااان في كل انواعها

ولا تنسووون الكباااب

==========

زهقت من كبسه وكبسه
من انولدت وانا ماعرف الا كبسة لحم وكبسة دجااااج

ياخي نبي الاوتوكيت الي يقولون عنه هههههههههههههههههه

اعدام ياراعي البحريات ههههههههههههه

زين لاتدف
المحــــــروم
04-23-2006, 09:22 PM
خفف السرعه يالمنسم ... خخخخخخخخخخخخخخخ


انا اقول افضل شي عندي ...

اممممممممممممممممممممممممممممممممممممممممممممممممم ممممممممم


وش رايكم بالمفاطيح نفع !!!!!!!!!!!!!!!!!!!
شَ ـآعُ ـٌر ٍ مُـً ِش‘ـًآعٌ َـْر ِ
04-23-2006, 10:24 PM
هههههههههه

وش فيك كل ماقابلتني قلت لي خفف

شايف وجهي عداد سرعه متعدي الـ120 ؟؟؟

هههههههههههههههههههههه

ياخي معروووووووف المفطح ماعليه كلام

بس انت ثاني مره اقرا لك مفطح

هههههههههههههههه

مايجي انها تصير اكلتك المفظله

لانك بعدين اذا اشتهيتها ماتلاقيها

يعني شوف لك شي ثاني
ههههههههههههههه
مناحي هلالة
04-24-2006, 07:07 PM
سليق بلحم الحاشي ومعاه طاسه لبن
شَ ـآعُ ـٌر ٍ مُـً ِش‘ـًآعٌ َـْر ِ
04-25-2006, 12:32 PM
اناا اششششهد يامناحي

انها اكله وراها نومه سبعه اياااااااام

ههههههه

<< مايحب السليق

الحمدلله على النعمه

اللهم احفظها من الزوال
المحــــــروم
04-25-2006, 03:29 PM
خخخخخخخخخخخخخخخخخخخخخخخخخخخخخخخخخخخخخخخخخخخخخخ

طيب يا عداد كهرب اقصد السرعه خخخخخخخخخخخخخخخخخخخخخخخخ

وش رايك بالهريسه ...........!!!!!!!!!

هالمره غصب تنفع

خخخخخخخخخخخخخخخخخخخخخخخخ
شَ ـآعُ ـٌر ٍ مُـً ِش‘ـًآعٌ َـْر ِ
04-25-2006, 03:47 PM
ايه الهرييسه

ماعلييها كلام

بس يبيلها من يضبطهاااا


<<<< اه يالجده الله يرحمها

ماودك تقوم من الصحن حتى لو شبعان

مادام جبت الاكلات الشعبيه

وشششش

رايييييك

با لمرقووووووووووق

ولا العصيده << الاشتى

ياويل حالي ويلااه
المحــــــروم
04-25-2006, 09:10 PM
اسكت اسكت يالدب يالمنسم ....

الله يشافي امي ويخليها لي ان شاءالله ...

عليها اكلات شعبيه ياررررررررررررررربي من جد احسن من طبخ الجيل الجديد ...

خخخخخخخخخخخخخخخخخخخخخخخخخخخخخخخ

وش رايك اعزمك يالمنسم ..!!!!!!!!!!


<--------- يتمنى تلبي دعوته وتحضر مجلسه وتشرفنا بالحضور ....


مع تحياتي واشواقي
المحروم